2024 ලංකා ප්රිමියර් ලීග් ක්රිකට් තරගාවලියේ තරග කාලසටහන ශ්රී ලංකා ක්රිකට් ආයතනය විසින් ඊයේ නිවේදනය කළා.
ඒ අනුව තරගාවලිය ජූලි පළමු වැනිදා සිට ජූලි 21 වැනිදා දක්වා පැවැත්වීමටයි කටයුතු යොදා ඇත්තේ.
එහිදී තරගාවලිය ආරම්භ කරමින් පළමු තරගය පැවැත්වෙන්නේ පසුගියවර ශූරයන් වූ බී ලව් කැන්ඩි කණ්ඩායම සහ අනුශූරයන් වූ දඹුල්ල අවුරා කණ්ඩායම අතරයි.
එල්.පී.එල්. තරගාවලියේ මූලික වටයේ තරග ජූලි 16 වැනිදා දක්වා පැවැත්වීමට නියමිත අතර, මෙවර තරගාවලිය සදහා ක්රීඩාංගන 3 ක් යොදා ගැනීමට කටයුතු කර තිබෙනවා.
ඒ අනුව පළමු තරග පහ මහනුවර පල්ලේකැලේ ක්රීඩාංගනයේ දී පැවැත්වීමටයි නියමිතව ඇත්තේ.
එමෙන්ම ඊළග තරග 9 පැවැත්වෙන්නේ රංගිරි දඹුලු ජාත්යන්තර ක්රිකට් ක්රීඩාංගනයේ දීයි. දඹුල්ලේ දී එල්.පී.එල්. තරග පැවැත්වෙන පළමු අවස්ථාව මෙය වීම විශේෂත්වයක්.
ජූලි 13 වැනිදා සිට පැවැත්වෙන මූලික වටයේ අවසන් තරග 6 පැවැත්වෙන්නේ කොළඹ ආර්.ප්රේමදාස ක්රීඩාංනයේ දී යි.
මේ අතර අවසන් මහා තරගය ජූලි 21 වැනිදා පැවැත්වීමට තීරණය කර ඇති අතර, ජූලි 22 වැනිදා අවසන් තරගය වෙනුවෙන් අතිරේක දිනයක් ලෙස ද ප්රකාශයට පත් කර ඇති බවයි ක්රිකට් ආයතනය සදහන් කළේ.
