මෙක්සිකෝවේ දකුණු ප්රාන්තය වන චියාපාස් වෙරළ ආසන්නයේ රික්ටර් මාපකයේ ඒකක 7.3ක ප්රබල භූකම්පනයක් හටගෙන තිබෙනවා. මෙම භූකම්පනයේ බලපෑම ග්වාතමාලාව සහ එල් සැල්වදෝරය දක්වා දැනී ඇති බවයි විදෙස් මාධ්ය වාර්තා කළේ. භූකම්පනයෙන් අනතුරුව එහි කේන්ද්රස්ථානයේ සිට කිලෝමීටර් 300ක පමණ දුරකට සුනාමි රළ ඇතිවිය හැකි බවට අමෙරිකානු භූ විද්යා සමීක්ෂණ ආයතනය අනතුරු ඇඟවීමක් ද නිකුත්කර තිබෙනවා. කෙසේවෙතත් මෙම භූකම්පනය හේතුවෙන් ජීවිත හානි හෝ විශාල දේපළ හානි කිසිවක් මේ දක්වා වාර්තා වී නොමැති බවයි විදෙස් මාද්ය වැඩි දුරටත් වාර්තා කළේ.
