ශිෂ්යත්ව විභාගයේ නැවත සමීක්ෂණ ප්රතිඵල මත, පාසල්වල 06 ශ්රේණියට සිසුන් ඇතුළත් කිරීමේ අයදුම්පත්ර විදුහල්පතිවරුන් විසින් මාර්ගගත පද්ධතියට යොමු කිරීමේ කාලය දීර්ඝ කර තිබෙනවා.
අධ්යාපන අමාත්යාංශය සඳහන් කරන්නේ, මාර්ගගතව අයදුම්පත්ර යොමු කිරීමේ හැකියාව පවතින ආපදා තත්ත්වය හමුවේ දෙසැම්බර් 12 වනදා දක්වා දීර්ඝ කර ඇති බවයි .
මීට පෙර පාසල්වල 06 ශ්රේණියට සිසුන් ඇතුළත් කිරීම සදහා මාර්ගගතව අයදුම්පත්ර යොමු කිරීම දෙසැම්බර් මස 05 වනදායින් අවසන් කිරීමට නියමිතව තිබුණා .
මේ අතර 2025 වර්ෂයේ 5 ශ්රේණියේ ශිෂ්යත්ව පරීක්ෂණයේ ප්රතිඵල මත පාසල්වල 2026 වර්ෂයේ 6 ශ්රේණියට ඇතුළත් වීමේ පළමු අභියාචනා ඉදිරිපත් කිරීම මේ වනවිට ආරම්භ කර නැහැ .
ඒ සම්බන්ධයෙන් සමාජ මාධ්ය වල සංසරණය වන්නේ අසත්ය පණිවුඩයක් බවයි අධ්යාපන අමාත්යාංශය නිවේදනය කලේ .
2026 වසරේ 06 ශ්රේණිය සඳහා පළමු වටයෙන් පාසල් සඳහා තේරී පත්වූ සිසුන් 2026 වර්ෂයේ ජනවාරි මස පාසල්වලට ඇතුළත් කිරීමෙන් පසුව පවතින පුරප්පාඩු සඳහා මාර්ගගතව අභියාචනා අයදුම්පත්ර කැඳවීම් සිදුකරන බවද අධ්යාපන අමාත්යාංශය වැඩිදුරටත් සඳහන් කළා.
