සංචාරක එංගලන්ත කණ්ඩායමට එරෙහි තරග 3 කින් සමන්විත 20 යි 20 ක්රිකට් තරගාවලිය සඳහා දසුන් ශානකගේ නායකත්වයෙන් යුත් ශ්රී ලංකා සංචිතය ප්රකාශයට පත් කර තිබෙනවා.
ඒ අනුව ශ්රී ලංකා ක්රිකට් තේරීම් කමිටුව විසින් ක්රීඩකයන් 16 දෙනෙකුගෙන් යුත් සංචිතයක් මෙම සදහා නම් කර ඇති අතර එයට නායක දසුන් ශානක, පැතුම් නිස්සංක, කමිල් මිෂාර, කුසල් මෙන්ඩිස්, කුසල් ජනිත් පෙරේරා සහ ධනංජය ද සිල්වා ඇතුළත් වනවා.
එමෙන්ම චරිත් අසලංක, ජනිත් ලියනගේ, පවන් රත්නායක, වනිඳු හසරංග, දුනිත් වෙල්ලාලගේ, මහීෂ් තීක්ෂණ, දුෂ්මන්ත චමීර, ප්රමෝද් මධුෂාන්, මතීෂ පතිරණ සහ ඒෂාන් මාලිංග ද මෙම සංචිතයට අතුළත්.
දෙරට අතර විස්සයි 20 තරගාවලියේ සියලුම තරග පල්ලෙකැලේ ජාත්යන්තර ක්රිකට් ක්රීඩාංගණයේදී පැවැත්වෙන අතර එහි පළමු තරගය ජනවාරි 30 වනදා පැවැත්වීමට නියමිතයි.
අනෙක් තරග පෙබරවාරි පළමුවනදා සහ තුන්වනදා යන දිනවලදී පැවැත්වීමටයි කටයුතු යොදා ඇත්තේ.
