කොළඹ පහ රාමනාදන් හින්දු විද්යාලයේ දෙමාපියන් පිරිසක් විරෝධතාවක නිරත වීම හේතුවෙන් ඩුබ්ලිකේෂන් පාර සම්පුර්ණයෙන්ම අද අවහිර වුනා..
දිල්සි හම්සිකා සිසුවිය ඝාතනය කිරීමේ සිද්ධියට ගුරුවරුන් දෙදෙනෙකු වගකිව යුතු බවට චෝදනා කරමිනුයි දෙමාපියන් පිරිසක් මෙසේ විරෝධතාවක නිරතව ඇත්තේ.
පසුගිය 29 වනදා මෙම සිසුවිය මිය ගොස් තිබුණා.
විරෝධතාකරුවන් විද්යාලය ඉදිරිපිට මාර්ගය අවහිර වන සේ විරෝධතාවේ නිරත වන බවයි වාර්තා වුනේ.
පොලිස් කැරළි මර්දන ඒකකය ද මෙම ස්ථානයට කැඳවා තිබුනා.
මෙම සිදුවීම සම්බන්ධයෙන් අධ්යාපන අමාත්යාංශය විශේෂ නිවේදනයක් නිකුත් කර තිබෙනවා.
එහි සඳහන්ව ඇත්තේ අදාළ සිදුවීම සම්බන්ධයෙන් මේ වනවිට නොසන්සුන්කාරී තත්ත්වයක් හට ගෙන ඇති අතර, ඒ සඳහා අමාත්යාංශයේ අවධානය යොමු වූ බවයි.
ඒ අනුව අදාළ විද්යාලයේ විදුහල්පතිවරයාගෙන් නිදහසට කරුණු විමසීමටත්, සිද්ධියට අදාළ ගුරුවරයා වහාම ස්ථාන මාරු කිරීමටත් කටයුතු කර ඇතැයි අමාත්යාංශය නිකුත් කළ නිවේදනයේ වැඩි දුරටත් දක්වා තිබෙනවා.
මේ වනවිට අදාළ සිදුවීම සම්බන්ධයෙන් පොලිස් විමර්ශන වාර්තාවක් කැඳවා ඇති අතර, වාර්තාව ලද වහාම විනය ක්රියාමාර්ග ගැනීමට කටයුතු කරන බවයි ද අදාළ නිවේදනයේ දක්වා ඇත්තේ.
උණුසුම් පුවත්
- කාළගුනයෙන් ඉන්දියාවටත් බලපෑම් – මුම්බායි ප්රදේශ රැසක් ජලයෙන් යටවෙයි
- වීන වානිජ කටයුතු ඇමති සහ පෝලන්ත විදේශ ඇමති දිවයිනට
- කොළඹ මහනගර සභාවේ බලය විපක්ශය එක් වී පිහිටුවන බව ඉන්දික අනුරුද්ධ කියයි
- මීගමුවේ වෙඩිතැබීමක්
- සමාජ ප්රගමනය සඳහා තැබූ පියවර කිසිසේත්ම ආපසු හැරවීමට ඉඩ දෙන්නේ නැහැ” ජනාධිපති කියයි
- හජ් උත්සවය සමරන දිනය පිළිබඳව නිවේදනයක්
- බෝවන රෝග ව්යාප්තිය පාලනයට රජයේ වෛද්ය නිලධාරීන්ගේ සංගමය පිළියම් ඉල්ලයි.
- ඊශ්රායල ප්රහාරයෙන් ගාසා තීරයේ 81 ක් ජිවිතක්ෂයට