හෝමාගම ප්රාදේශීය සභාවේ හිටපු මන්ත්රීවරයෙකු වෙඩි තබා ඝාතනය කිරීමට සම්බන්ධ බවට සැකපිට පුද්ගලයෙකු අත්අඩංගුවට ගෙන තිබෙනවා.
පොලිසිය කියා සිටියේ අපරාධයේ වෙඩික්කරු ලෙස ක්රියා කළ බවට සැකකෙරෙන පුද්ගලයෙකු හම්බන්තොට පොලිස් වසමේ නාගරවැව ප්රදේශයේදී විමර්ශන නිලධාරීන් විසින් අත්අඩංගුවට ගෙන ඇති බවයි.
මීගොඩ, ගැහැනුවල ප්රදේශයේදී පසුගිය 12 වනදා ප්රාදේශීය සභාවේ හිටපු මන්ත්රීවරයෙකු වෙඩි තබා ඝාතනය කෙරුණා.
මෙලෙස අත්අඩංගුවට ගෙන ඇත්තේ වයස අවුරුදු 34ක් පමණ වන බරවකුඹුක ප්රදේශයේ පදිංචි හිටපු යුද හමුදා සෙබළෙකි.
සැකකරු සම්බන්ධයෙන් සිදු කළ වැඩිදුර විමර්ශනයේදී අවිස්සාවේල්ල සහ කොල්ලුපිටිය ප්රදේශවලදී වෙඩි තබා මනුෂ්ය ඝාතන දෙකක් සිදු කිරීමට තැත් කිරීම සම්බන්ධයෙන් අනාවරණ වී ඇති බවයි පොලිසිය කියා සිටියේ.
අත්අඩංගුවට ගැනුණු සැකකරුගෙන් කරන ලද ප්රශ්න කිරීම්වලින් අනාවරණ වූ තොරතුරු මත හංවැල්ල ප්රදේශයේ සඟවා තිබූ මෙරට නිෂ්පාදිත මිලිමීටර් 9 වර්ගයේ උණ්ඩ යෙදිය හැකි ගිනි අවියක්, මිලිමීටර් 9 වර්ගයේ පතොරොම් හතරක්, මෙරට නිෂ්පාදිත බෝර 12 වර්ගයේ පතොරම් යෙදිය හැකි අවි දෙකක් සහ අයිස් මත්ද්රව්ය ග්රෑම් හයක් සොයා ගැනුණු බවද පොලිසිය පවසනවා.
අපරාධ පරීක්ෂණ දෙපාර්තමේන්තුව වැඩිදුර විමර්ශන සිදු කරනු ලබනවා.
මේ අතර පෑලියගොඩ, වෙදමුල්ල ප්රදේශයේදී මොට ආයුධයකින් පහරදී ඝාතනය කිරීමේ අපරාධයක් සම්බන්ධයෙන්ද සැකකරුවෙක් අත්අඩංගුවට ගෙන තිබෙනවා.
මෙලෙස අත්අඩංගුවට ගෙන ඇත්තේ වෙදමුල්ල, කැලණිය ප්රදේශයේ පදිංචි වයස අවුරුදු 24ක් පමණ වන පුද්ලයෙක් බවයි පොලිසිය කියා සිටියේ.
පෑලියගොඩ පොලිසිය වැඩිදුර විමර්ශන සිදු කරනු ලබනවා.
