ප්‍රකාශයක් ලබාගැනීම සඳහා හිටපු නීතිපති ජනාධිපති නීතිඥ දප්පුල ද ලිවේරා මහතා ත්‍රස්ත විමර්ශන කොට්ඨාසයට අද(19) පෙරවරුවේ කැඳවා තිබෙනවා.
පාස්කු ඉරිදා ත්‍රස්ත ප්‍රහාරය සම්බන්ධයෙන් හිටපු නීතිපතිවරයා කළ ප්‍රකාශයක් සම්බන්ධයෙන් විමසීමට මෙම කැඳවීම කර ඇති බවයි පොලිස් මාධ්‍ය ප්‍රකාශක ජ්‍යෙෂ්ඨ පොලිස් අධිකාරි නිහාල් තල්දූව මහතා සඳහන් කළේ.
පාස්කු ඉරිදා ත්‍රස්ත ප්‍රහාරය පිටුපස දැවැන්ත කුමන්ත්‍රණයක් ක්‍රියාත්මක වූ බවයි හිටපු නීතිපති දප්පුල ද ලිවේරා මහතා 2021 මැයි මස 17 වැනිදා පවසා ඇත්තේ.
ඔහු එහිදී පවසා ඇත්තේ රජ්‍ය බුද්ධි සේවය හෙවත් එස්.එයි.එස්. ආයතනයට පාස්කු ඉරිදා ප්‍රහාරය සිදුකරන ආකාරය, වෙලාව, දිනය සහ අනෙකුත් තොරතුරු ලැබීම හරහා දැවැන්ත කුමන්ත්‍රණයක් මෙම ප්‍රහාරය පිටුපස තිබූ බවට පෙනී යන බවටයි.
ඒ මහතා එහිදී වැඩිදුරටත් පෙන්වා දී ඇත්තේ මෙම දැවැන්ත කුමන්ත්‍රණයට සම්බන්ධ සියලු දෙනා සාක්ෂි හරහා අනාවරණ කළ යුතු බවයි.
හිටපු නීතිපතිවරයා ත්‍රස්ත විමර්ශන ඒකකයට පැමිණිමෙන් පසුව අදහස් දැක්වූ නීතිඥ දිමිත්‍ර අබේසේකර මහතා.
