හෑෂ් සහ කුෂ් මත්ද්රව්ය සමග සැකකාරියක් සැකකරුවෙක් සහ ආධාර අනුබල ලබාදුන් සැකකරුවන් දෙදෙනෙක් පොලිසිය විසින් අත්අඩංගුවට ගෙන තිබෙනවා.
පොලිසිය කියා සිටියේ බොරලැස්ගමුව, නිර්මල මාවත ප්රදේශයේදී බස්නාහිර පළාත උතුර උපරාධ කොට්ඨාසයේ නිලධාරීන් කණ්ඩායමක් විසින් ඊයේ(05) උදෑසන සිදු කළ වැටලීමකදී නිවාස සංකීර්ණයක තාවකාලික නිවසක් ලබාගෙන සිටි කාන්තාවක් හෑෂ් මත්ද්රව්ය කිලෝග්රෑම් 17ක් හා කුෂ් මත්ද්රව්ය ග්රෑම් 400ක් සමඟ අත්අඩංගුවට ගෙන ඇති බවයි.
සැකකාරිය වයස අවුරුදු 31ක් වන බොරලැස්ගමුව ප්රදේශයේ පදිංචිකාරියක් බවයි පොලිසිය පවසන්නේ.
සැකකාරිය සම්බන්ධයෙන් සිදුකළ වැඩිදුර විමර්ශනයේදී වරෙන්තු හතරක් නිකුත් වී සිටි සැකකාරියක් බවට අනාවරණ වී තිබෙන බවද පොලිසිය වැඩිදුරටත් කියා සිටියා.
බස්නාහිර පළාත උතුර අපරාධ කොට්ඨාසය විසින් වැඩිදුර විමර්ශන සිදු කරනු ලබනවා.
මේ අතර කුෂ් මත්ද්රව්ය සමග සැකකරුවෙක් සහ ඔහුට ආධාර අනුබල දුන් සැකකරුවන් දෙදෙනෙක් පොලිස් මත්ද්රව්ය කාර්යාංශය ගුවන් තොටුපළ ඒකකය විසින් අත්අඩංගුවට ගෙන තිබෙනවා.
කටුනායක ගුවන් තොටුපොළ පැමිණීමේ පර්යන්තයේදී පොලිස් මත්ද්රව්ය කාර්යාංශ ගුවන් තොටුපොළ ඒකකයේ නිලධාරීන් කණ්ඩායමක් විසින් අද(06) දින අළුයම සිදු කළ වැටලීමකදී විදේශ රටක සිට මෙරටට ගුවන් ම ගින් රැගෙන පැමිණි කුෂ් මත්ද්රව්ය කිලෝග්රෑම් 02යි ග්රෑම් 116ක් සමග සැකකරුවෙකු හා ඔහුට ආධාර අනුබල ලබාදුන් සැකකරුවන් දෙදෙනෙක් අත්අඩංගුවට ගෙන තිබෙනවා.
සැකකරුවන් අවුරුදු 26, 36 සහ 43 යන වයස්වල පසුවන මානිප්පායි හා මන්නාරම ප්රදේශවල පදිංචිකරුවන් බවයි පොලිසිය පවසන්නේ.
පොලිස් මත්ද්රව්ය කාර්යාංශය විසින් වැඩිදුර විමර්ශන සිදු කරනු ලබනවා.
