අකුරේගොඩ දී නීතිඥයෙකුට සහ ඔහුගේ බිරිඳට වෙඩි තැබීමට එරෙහිව විරෝධය පාමින් නීතිඥ සංගමයේ තීරණයක් අනුව හැටන් මහේස්ත්‍රාත් සහ දිසා අධිකරණයේ පෙනී සිටින සියලුම නීතිඥයින් අධිකරණයේ කළු කොඩියක් ඔසවා අද(16) දින නඩු කටයුතුවලින් ඉවත් වීමට තීරණය කළ බව එම නීතිඥ සංගමයේ සභාපති එස්. පාර්තිබන් මහතා පවසනවා.
තම සංගමයේ තීරණයක් අනුව අද(16) දින නඩු කටයුතුවලින් ඉවත් වන බවට හැටන් දිසා විනිසුරු සහ මහේස්ත්‍රාත් පීටර් පෝල් මහතා වෙත දැනුම්දීමෙන් පසු තමන් අධිකරණ කටයුතුවලින් ඉවත් වූ බවයි පාර්තිබන් මහතා කියා සිටියේ.
හැටන් දිසා සහ මහේස්ත්‍රාත් අධිකරණයේ අද(16) දින කැඳවූ නඩුවල නීතිඥයින් පෙනී සිටින සියලුම නඩු වෙනත් දිනයක කැඳවීමට මහේස්ත්‍රාත්වරයා නියෝග කළා.
