හම්බන්තොට නරගාධිපති ගාමිණී ශ්‍රී ආනන්ද මහතාගේ මන්ත්‍රී ධුරය ශ්‍රී ලංකා පොදුජන පෙරමුණ විසින් අත්හිටුවා තිබෙනවා.
ඊට අදාළ ලිපිය පොදුජන පෙරමුණේ මහලේකම් වරයා විසින් හම්බන්තොට මැතිවරණ කාර්යාලයට එවා ඇති බවයි වාර්තා වන්නේ.
මන්ත්‍රී දුරය අහෝසි කළ බවට ලිපිය මැතිවරණ කාර්යාලය වෙත ලැබී ඇති බවට මැතිවරණ කාර්යාලයෙන් තමා හට දැනුම්දුන් බවත් එහෙත් ඊට අදාළ ගැසට් නිව්දනය මෙතෙක් නිකුත් කර නොමැති හෙයින් තමා තවදුරටත් හම්බන්තොට නගරාධිපතරවාය වශයෙන් රාජකාරී කටයුතුවල නියැලී සිටින බවයි මේ සම්බන්ධයෙන් නගරාධිපති ගාමිණී ශ්‍රී ආනන්ද මහතා පවසන්නේ.
එසේම තමාට නිදහසට කරුණු දක්වන ලෙසට දන්වා ඇති බවත් මෙතෙක් නිදහසට කරුණු දැක්වීමක් සිදු නොකළ බවත් නගරාධිපතිවරයා වැඩිදුරටත් කියා සිටියා.
නගරාධිපති ගාමිණී ශ්‍රී ආනන්ද මහතා ශ්‍රී ලංකා පොදුජන පෙරමුණ නියෝජනය කරමින් තරග කර හම්බන්තොට මහ නගර සභාවට තේරී පත්වූයේ හිටපු නගරාධිපති එරාජ් ප්‍රනාන්දු මහතා සිය නගරාධිපති ධුරයෙන් ස්වකැමැත්තෙන්ම ඉල්ලා අස්වීම හේතුවෙන් ඇති වූ පුරප්පාඩුවටයි.
කෙසේ වෙතත් ගාමිණී ශ්‍රී ආනන්ද මහතා මෙවර හම්බන්තොට මහ නගර සභාව සඳහා ශ්‍රී ලංකා පොදුජන පෙරමුණෙන් බාහිරව ස්වාධීන කණ්ඩායමකින් මැතිවරණය සඳහා ඉදිරිපත් වී ඇති බවටයි වාර්තා වන්නේ.
