දෙහිවල ජාතික සත්වෝද්යානයේ කූඩුවක රඳවා සිටි පරවියෙකු සේවකයෙකු විසින් සොරකම් කර රැගෙන යමින් සිටියදී අත්අඩංගුවට ගැණුනා.
මෙම පුද්ගලයා සත්වෝද්යාන දෙපාර්තමේන්තුවේ වසර 10 කට වැඩි කාලයක් සේවය කළ අයෙකු බවටයි සඳහන් වන්නේ.
අධිකරණ නියෝග මත දෙහිවල ජාතික සත්වෝද්යානයේ කූඩුවක රඳවා සිටි පරවියෙකු සතුන් භාරව සිටි සේවකයා විසින් සොරකම් කර රැගෙන යමින් සිටියදී ඔහු අත්අඩංගුවට ගැණුනේ පෙරේදා දිනයේයි.
පරවි කෑම සමග සත්වෝද්යානය ආසන්න මාර්ගයකදී මෙම පුද්ගලයා අත්අඩංගුවට ගෙන තිබෙනවා.
සැකකරු වයස අවුරුදු 37 ක් වන පුද්ගලයෙක්.
සැකකරු ගල්කිස්ස මහේස්ත්රාත් අධිකරණයට ඉදිරිපත් කිරීමට නියමිතයි.
මීට පෙර අවස්ථා දෙකකදී දෙහිවල සත්වෝද්යානයේ රඳවා සිටි පරවියන් 59 දෙනෙකු සොරකම් කර ඇති බවට පොලීසියට පැමිණිලි ලැබී තිබුණා.
