කොළඹ ඩී. එස්. සේනානායක විද්යාලය සහ මහානාම විද්යාලය අතර 16 වැනි වරටත් පැවැති රන් කුසලාන වාර්ෂික එක්දින සීමිත පන්දුවාර මහා ක්රිකට් තරගයෙන් කඩුලු 3ක ජයග්රහණයක් ලබා ගැනීමට මහානාම විද්යාලය සමත් වූනා.
කොළඹ ීක් ක්රීඩාංගණයේ දී ඊයේ පැවැති මෙම තරගය වර්ෂාව හේතුවෙන් පන්දුවාර 36ක තරගයක් ලෙසින් ක්රියාත්මක වූ අතර ඒ අනුව ආරම්භ වූ තරගයේ කාසියේ වාසිය මහානාම විද්යාලය විසින් දිනා ගත්තා.
ඒ අනුව පළමුවෙන් පන්දුවට පහර දීම සඳහා පිටියට පිවිසි ඩී. එස්. සේනානායක විද්යාලය සියලුදෙනා දැවී ලකුණු 116ක් ලබා ගැනීමට සමත් වුනා.
එම ඉනිමේ වැඩිම ලකුණුලාභියා වූයේ ශනෙල් බිනුශ්කයි.
ඔහු පන්දු 55කට මුහුණ දෙමින් හතරේ පහර 2ක් සහ හයේ පහරක් සමඟින් ලකුණු 38ක් ලබා ගැනීමට සමත් වුනා.
කඩුලු දවා ගැනීමේ දී ගිමන්ත දිසානායක ලකුණු 16කට කඩුලු 5ක් දවා ගනිමින් ඉනිමේ හොඳම පන්දු යැවීම වාර්තා කළා
පිළිතුරු ඉනිම සඳහා පිටියට පිවිසි මහානාම විද්යාලයීය තරගයට වර්ෂාවෙන් බාධා එල්ල වු අතර අවසානයේ තරගය නතර කරන විට මහානාම විද්යාලයීය ලකුණු පුවරුව කඩුලු 7ක් දැවී ලකුණු 95ක් ලෙසින් දැක් වුනා.
ඩක්වර්ත් ලුවිස් න්යායට අනුව එහිදී 16 වැනි වරටත් පැවැති රන් කුසලාන වාර්ෂික එක්දින සීමිත පන්දුවාර මහා ක්රිකට් තරගයෙන් කඩුලු 3ක ජයග්රහණයක් ලබා ගැනීමට මහානාම විද්යාලය සමත් වූවා.
උණුසුම් පුවත්
- අතුරුදන්වූවන් පිළිබඳ පැමිණිලි නැවත විමර්ශනයට සුදානමක්
- ශ්රී ලංකා කණ්ඩායමට විශිෂ්ට ජයක්
- මෙම මාසයේ උද්ධමනය ඉහළට
- අධ්යාපන කවුන්සිලය පිහිටුවීම සඳහා වන අමාත්යාංශයීය කමිටුව ප්රථම වරට රැස්වෙයි
- ඉරානයේ සිටින ජර්මන් ජාතිකයන්ට දැනුම්දීමක්
- ට්රම්ප්ගේ තීරුබදු නීති විරෝධී බව එරට අධිකරණයක් තීන්දු කරයි
- ඝාතනයකට සම්බන්ධ සැකකරුවෙකු අත්අඩංගුවට
- බේරෙ වැවේ අපද්රව්ය ඉවත් කිරීමේ වැඩපිළිවෙළක්