සෞඛ්‍ය ලේකම් අනිල් ජයසිංහ මහතාගේ අත්සනින් යුතුව මෙම නිවේදනය නිකුත් කර තිබෙන අතර එහි සඳහන් වන්නේ පවතින අයහපත් කාලගුණික තත්වය හේතුවෙන් නිවේදනයේ සඳහන් ආකාරයට රෝහල් තුල කටයුතු කරන ලෙසයි.
තවද රෝගි සත්කාර සේවාව පැය 24 පුරා ක්‍රියාත්මක කල හැකි වන ලෙස රෝහල් කාර්ය මණ්ඩලය කැඳවිම සඳහා වැඩපිලිවෙලක් සකස්කල යුතු බව මෙම නිවේදනය මගින් රෝහල් අධ්‍යක්ෂකවරුන්ට දැනුම්දි තිබෙනවා.
මිට අමතරව ආපදාවලට ලක්වි සිටින ප්‍රදේශවල සිටින මුදාලහැකි නේවාසික රෝගින් නිදහස් කරන ලෙසත් එම නිවේදනයේ සඳහන්.
තවද රෝහල් කාර්ය මණ්ඩලය ගෙන්වා ගැනිම සඳහා මෙන්ම හදිසි තත්වයන් සඳහා ගිලන් රථ අත්‍යවශ්‍ය වන නිසාවෙන් ඉන්ධන හා රියදුරන් සපයා ගැනිම කඩිනමින් සිදු කරන ලෙස දන්වා සිටිනවා.
මේ අතර දිවයිනට බලපා ඇති අයහපත් කාලගුණය හේතුවෙන් උසස් පෙළ විභාගය ඇතුළු සියලු විභාගයන් දින නියමයක් නොමැතිව කල් දැමීමට තීරණය කළ බව ශ්‍රී ලංකා විභාග කොමසාරිස් ජනරාල් ඉන්දිකා ලියනගේ මහත්මිය පවසනවා.
ඒ අනුව ඉදිරි දින කිහිපයේ දී උසස් පෙළ විභාගය නොපැවැත්වීමට තීරණය කළ බව ඇය සඳහන් කර සිටියේ.
