ටෙලි නාට්‍ය රංගන ශිල්පියෙක් මෙන්ම රියැලටි තරුවක් ඇතුළු රියැලිටි රූපවාහිනි තරු කිහිපදෙනෙක් අතර සිදු වූ ගැටුමක් සම්බන්ධයෙන් තලංගම පොලිසිය විමර්ශනයක් ආරම්භ කර තිබෙනවා.
පොලිසියේ පැවසුවේ තලංගම පිටකෝට්ටේ ආපන ශාලාවකදී මෙම ගැටුම සිදුව ඇති බවයි.
එම ආපන ශාලාවේ සංගීත කණ්ඩායමක් ප්‍රසංගයක් පවත්වමින් සිටියදී ගීතයක් ගායනා කරන ලෙසට කරන ලද ඉල්ලීමක් සම්බන්ධයෙන් ඇති වූ ආරවුලක් මත මෙම ගැටුම සිදුව ඇති බවයි.
දෙපිරිස අතර ඇති වූ ගැටුම හේතුවෙන් කිහිපදෙනෙක්ට තුවාල සිදුව ඇති අතර අදාළ රියැලිටි තරුවද ප්‍රතිකාර ඳසහා ශ්‍රී ජයවර්ධනපුර රෝහලට ඇතුළත් කර ඇති බවයි වාර්තා වන්නේ.
සිද්ධිය සම්බන්ධයෙන් පුද්ගලයෙකු තලංගම පොලිසිය විසින් අත්අඩංගුවට ගෙන අධිකරණයට ඉදිරිපත් කර තිබෙනවා.
ඒසේම අදාළ ගැටුම ආරම්භ වීමට ආරවුලක් ඇති කරන ලද බව කියන තුවාල ලබා රෝහල් ගත කරන ලද රියැලටි තරුවට එරෙහිවද පැමිණිල්ලක් ලැබී ඇති බවයි පොලිසිය පවසන්නේ.
