පාර්ලිමේන්තුව නියෝජනය කරන සියලුම පක්ෂ නායකයන්ගේ සහභාගිත්වයෙන් සර්ව පාක්ෂික හමුවක් ජනාධිපති කාර්යාලයේ දී අද(26) පස්වරු 4ට පැවැත්වුණා.
ඒ ජනාධිපති රනිල් වික්‍රමසිංහ මහතාගේ ප්‍රධානත්වයෙන්.
පසුගිය වසරේ දෙසැම්බර් මස 13 වනදා පැවති පක්ෂ නායක හමුවේදී සාකච්ඡාවට බඳුන් වූ සංහිඳියාව වැඩිදියුණු කිරීමේ වැඩපිළිවෙළ පිළිබඳ මෙහිදී වැඩිදුරටත් සාකච්ඡාවට බඳුන් කිරීමට නියමිතව තිබුණා.
ඒ පිළිබඳ පක්ෂ නායකයන්ගේ එකඟතාවයක් ද ඇති කර ගැනීමට නියමිත බවයි ජනාධිපති මාධ්‍ය අංශය කියා සිටියා.
අදාළ සාකච්ඡාව නිමාවට පත්වීමෙන් අනතුරුව ඊට සහභාගි වූ පක්ෂ නායකයින් මාධ්‍ය වෙත අදහස් දැක්වූවා.
එහිදී අදහස් දැක්වූ අතුරලියේ රතන හිමියන් කියා සිටියේ මේ වෙලාවේ ඉඩම් බලතල දෙනවාද නැත්නම් පොලිස් බලතල දෙනවාද යන්න සාකච්ඡාව නොවන බවයි.
එසේම ජනතාවට ඉඩම් ලබාදෙනවා මිස ජාතිවාදීව ඉඩම් බෙදීම නොකළ යුතු බවද උන්වහන්සේ ජනාධිපතිවරයාගෙන් ඉල්ලා සිටි බවයි කියා සිටියේ.
වැඩිදුරටත් අදහස් දැක්වූ අතුරලියේ රතන හිමියන් කියා සිටියේ ආපසු සිංහල සහ දෙමළ ගැටුමක් ඇති වන ආකාරයෙන් අද දිනයේදී සාකච්ඡා පැවැති බවයි.
සාකච්ඡාව නිමාවෙන් පසුව මාධ්‍ය වෙතද දැක්වූ අදහස් පහතින් දැක්වේ.
