හිටපු දේශීය ක්‍රිකට් ක්‍රීඩක සාලිය සමන්ට වසර පහක කාලයක් සඳහා ක්‍රිකට් ක්‍රීඩාවෙන් තහනම් නියෝගයක් පැනවීමට ජාත්‍යන්තර ක්‍රිකට් කවුන්සිලයේ දූෂණ මර්දන ඒකකය තීරණය කර තිබෙනවා.
එමිරේට්ස් ක්‍රිකට් මණ්ඩලයේ දූෂණ විරෝධී සංග්‍රහය උල්ලංඝනය කිරීම සම්බන්ධයෙන් ඔහු වරදකරු වීම හේතුවෙන් මෙම තහනම පනවා ඇති බවයි එම කවුන්සිලය නිකුත් කළ නිවේදනයේ සඳහන් වන්නේ.
2021 වසරේ පැවති අබුඩාබි ටී ටෙන් ක්‍රිකට් ලීග් තරගාවලියේදී තරග පාවාදීමට උත්සාහ කිරීම සම්බන්ධයෙන් සාලිය සමන් ඇතුළු පුද්ගලයන් අට දෙනෙකුට 2023 වසරේ සැප්තැම්බර් මාසයේදී චෝදනා එල්ල වුණා.
