වැල්ලවාය පොලිස් ස්ථානයේ නිලධාරීන් පිරිසක් විසින් පසුගිය මැයි මස 30 වනදා වැල්ලවාය නගරය ආසන්න ප්රදේශයේ දී විශේෂ වැටලීමක් සිදුකර අත්අඩංගුවට පත්වූ වැල්ලවාය ප්රදේශයේ ප්රධානතම මත්ද්රව්ය ජාවාරම්කරුවෙකු වන මහවෙලමුල්ලේ සාන් සුද්දා නොහොත් සම්පත් කුමාර යන අය බන්ධනාගාර නිලධාරීන්ගෙන් මීදී රෝහලෙන් පලාගොස් ඇතැයි වාර්තා වනවා.
එහිදී සැකකරු විසින් පොලීසියට තියුණු ආයුධයකින් පහරදී තිබූ අතර පසුව පොලිස් නිලධාරීන් සැකකරුගේ දණහිසෙන් පහළ ප්රදේශයට වෙඩි තැබීමක් ද සිදුකර තිබුණා.
වෙඩි වැදීමෙන් තුවාල ලැබූ සැකකරු වැල්ලවාය මූලික රෝහලට ඇතුළත් කිරීමෙන් අනතුරුව වැඩිදුර ප්රතිකාර සඳහා මොනරාගල දිස්ත්රික් මහ රෝහලට මාරු කර තිබුණා.
එම සැකකරු මොනරාගල දිස්ත්රික් මහ රෝහලේ බන්ධනාගාර නිලධාරීන් ගේ ආරක්ෂාව යටතේ ප්රතිකාර ලබමින් සිටි අතරතුර අද උදෑසන බන්ධනාගාර නිලධාරීන්ගෙන් මිදී පලාගොස් තිබෙනවා.
පලාගිය සැකකරු පොලිස් අත්අඩංගුවට ගැනීම සඳහා විමර්ශන ක්රියාත්මක වන අතර සිද්ධිය සම්බන්ධයෙන් වැල්ලවාය පොලීසිය විසින් ඉදිරි විමර්ශන සිදු කරනු ලබනවා.
