ඉන්දියාවේ සාංචි චේතියගිරි විහාරයේ 75 වන සංවත්සරයේ ප්රධාන ආරාධිතයා ලෙස ජනාධිපති අනුර කුමාර දිසානායක මහතාට ආරාධනා කළ බව සාංචි චේතියගිරි විහාරාධිපති, ශ්රී ලංකා මහාබෝධි සංගමයේ සභාපති ජපානයේ ප්රධාන සංඝනායක අතිපූජ්ය බානගල උපතිස්ස නා හිමියෝ පවසනවා. ජනාධිපතිවරයා හමුවී ඊයේ දින තමන් විසින් සිදු කළ ආරාධනාව ඔහු පිළිගත්
බවයි උන්වහන්සේ සඳහන් කළේ. එහි දී අනුර කුමාර දිසානායක මහතා සමඟ ශ්රී ලංකා මහාබෝධි සංගමයේ සහ ඉන්දියාවේ,ජපානයේ ධර්ම ප්රචාරක කටයුතු පිළිබඳව සහ ශ්රී ලංකාවේ යොෂීඩා සමාජ හා සංස්කෘතික පදනම ක්රියාත්මක කරන ළමා අධ්යාපන හා සමාජසේවා කටයුතු පිළිබඳව දීර්ඝ වශයෙන් සාකච්ඡා කර තිබෙනවා. මුම්බායිහි ප්රකට මාධ්යවේදී ශකීල් සිද්දික් මහතා රචනා කළ බානගල උපතිස්ස නා හිමි චරිතාපදානය වන ”අංජලිකරණීයෝ‘ ග්රන්ථයේ පිටපතක් බානගල නාහිමියන් එම අවස්ථාවේදී ජනාධිපතිවරයා වෙත පිරිනමා තිබුණා.
