එක්දින ලෝක කුසලාන තරගාවලියේ සුදුසුකම් ලබා ගැනීමේ වටයේ ඊයේ පැවති තරග දෙකෙන් ජය වාර්තා කිරීමට ස්කොට්ලන්ත කණ්ඩායම සහ ඕමාන කණ්ඩායම සමත් වුණා.
ඒ අයර්ලන්ත කණ්ඩායම සහ එක්සත් අරාබි එමීර් කණ්ඩායම පරාජයට පත් කරමින්.
එහිදී පැවති පළමු තරගයෙන් අයර්ලන්ත කණ්ඩායම පරදා එක් කඩුල්ලක තියුණු ජයක් වාර්තා කිරීමට ස්කොට්ලන්ත කණ්ඩායම සමත් වුණා.
එම තරගයේ පළමුවෙන් පන්දුවට පහරදුන් අයර්ලන්තය නියමිත පන්දුවාර 50 අවසානයේ කඩුළු 08ක් දැවී ලකුණු 286ක් රැස් කළා.
පිළිතුරු ඉනිම ක්රීඩා කළ ස්කොට්ලන්තය පන්දුවාර 50 අවසානයේ කඩුළු 09ක් දැවී ලකුණු 289ක් ලබා ගනිමින් තරගය ජයග්රහණය කිරීමට සමත් වුණා.
මේ අතර ඊයේ පැවති දෙවැනි තරගයෙන් එක්සත් අරාබි එමීර් කණ්ඩායම පරදා කඩුළු 05ක ජයක් වාර්තා කිරීමට ඕමාන කණ්ඩායම සමත් වුණා.
එහිදී පළමුවෙන් පන්දුවට පහරදුන් එක්සත් අරාබි එමීර් කණ්ඩායම නියමිත පන්දුවාර 50 අවසානයේ කඩුළු 08ක් දැවී රැස්කළ ලකුණු සංඛ්යාව 227ක්.
පිළිතුරු ඉනිම ක්රීඩා කළ ඕමාන කණ්ඩායම පන්දුවා 46ක් අවසානයේ කඩුළු 05න් පමණක් දැවී ලකුණු 228ක් ලබා ගනිමින් තරගය ජයග්රහණය කළා.
උණුසුම් පුවත්
- කාළගුනයෙන් ඉන්දියාවටත් බලපෑම් – මුම්බායි ප්රදේශ රැසක් ජලයෙන් යටවෙයි
- වීන වානිජ කටයුතු ඇමති සහ පෝලන්ත විදේශ ඇමති දිවයිනට
- කොළඹ මහනගර සභාවේ බලය විපක්ශය එක් වී පිහිටුවන බව ඉන්දික අනුරුද්ධ කියයි
- මීගමුවේ වෙඩිතැබීමක්
- සමාජ ප්රගමනය සඳහා තැබූ පියවර කිසිසේත්ම ආපසු හැරවීමට ඉඩ දෙන්නේ නැහැ” ජනාධිපති කියයි
- හජ් උත්සවය සමරන දිනය පිළිබඳව නිවේදනයක්
- බෝවන රෝග ව්යාප්තිය පාලනයට රජයේ වෛද්ය නිලධාරීන්ගේ සංගමය පිළියම් ඉල්ලයි.
- ඊශ්රායල ප්රහාරයෙන් ගාසා තීරයේ 81 ක් ජිවිතක්ෂයට