සිය ඉල්ලීම්වලට නිසි විසදුම් නොලැබීම හේතුවෙන් අද දින අසනීප නිවාඩු වාර්තා කරන බව සමස්ත ලංකා සමෘද්ධි බැංකු මහා සංගම් සහ කාර්යාල නිලධාරින්ගේ සංගමය පවසනවා.
එම සංගමයේ සභාපති එම්.අයි.බී.අබේසිංහ මහතා කියා සිටියේ සමෘද්ධි සේවක සමිතිය දීමනා ගැටලුවක් මුල් කරගනිමින් එම වෘත්තිය ක්‍රියාමාර්ගයේ නිරත වන බවයි.
සිය වර්ජනය සදහා තවත් සංගම් කිහිපයක් ද සහය දැක්වීමට කැමැත්ත පළ කර ඇති බවයි ඒ මහතා වැඩිදුරටත් කියා සිටියේ.
මේ අතර දීමනා ගැටලුවක් මුල් කරගනිමින් ජල සම්පාදන වෘත්තිය සමිති ඒකාබද්ධ සන්ධානය ආරම්භ කළ වෘත්තිය සමිති ක්‍රියාමාර්ගය තවදුරටත් ක්‍රියාත්මක වනවා.
එම සංගමයේ කැදවුම්කරු ඉංජිනේරු උපාලි රත්නායක මහතා කියා සිටියේ බලධාරින් විසින් සිය ගැටලුවලට විසදුම් ලබා දෙන තෙක් අඛණ්ඩව එම වෘත්තිය ක්‍රියාමාර්ගය සිදු කරන බවයි.
මේ අතර වෘත්තිය සමිතිවලට අවශ්‍ය ආකාරයට කටයුතු කිරීමට වත්මන් රජය කිසිවිටෙකත් සූදානම් නොමැති බව ආරක්ෂක රාජ්‍ය අමාත්‍ය ප්‍රමිත බණ්ඩාර තෙන්නකෝන් මහතා පවසනවා.
බේරුවල ප්‍රදේශයේ පැවති උත්සවයකින් අනතුරුව මාධ්‍ය වෙත අදහස් දක්වමිනුයි ඔහු මේ බව සදහන් කළේ.
