සපුගස්කන්ද තෙල් පිරිපහදුව හෙට යළි විවෘත කරන බව ලංකා ඛනිජ තෙල් නීතිගත සංස්ථාව පවසනවා .
එහි සභාපති උවයිස් මොහොමඩ් මහතා සඳහන් කළේ, හෙට සිට පිරිපහදුවේ මෙහෙයුම් අඛණ්ඩව සිදු කිරීමට සැළසුම් කර ඇති බවයි.
ඉන්ධන නිෂ්පාදනය සඳහා අවශ්ය බොරතෙල් සංචිත මේ වනවිට සපුගස්කන්ද තෙල් පිරිපහදුවට ලැබී ඇති බව ද සභාපතිවරයා ප්රකාශ කළා .
පසුගිය ඔක්තෝබර් මස 7 වැනි දා සපුගස්කන්ද තෙල් පිරිපහදුව වසා දැමුණේ, නිෂ්පාදන ක්රියාවලියට අවශ්ය බොරතෙල් නොමැති වීම හේතුවෙන්.
ඒ අනුව දින 70 ක් පමණ සපුගස්කන්ද තෙල් පිරිපහදුව වසා දමනු ලැබුවා.
හෙට දිනයේ පූර්ණ ධාරිතාවෙන් නිෂ්පාදන ක්රියාවලිය ආරම්භ කළ පසු දෛනිකව ඩීසල් මෙට්රික් ටොන් 1,500 ක්, පෙට්රල් මෙට්රික් ටොන් 550 ක්, භූමිතෙල් සහ ගුවන්යානා ඉන්ධන මෙට්රික් ටොන් 950 ක් සහ නැප්තා මෙට්රික් ටොන් 1,500 ක් නිකුත් කළ හැකි බවයි ලංකා ඛනිජ තෙල් නීතිගත සංස්ථාව කියාසිටියේ .
