සංචාරක ඉන්දීය කණ්ඩායමට එරෙහිව පැවති පස්වන හා අවසන් විස්සයි 20 ක්රිකට් තරගයෙන් කඩුළු 08 ජයක් වාර්තා කිරීමට බටහිර ඉන්දීය කොදෙව් කණ්ඩායම ඊයේ සමත් වුණා.
ඒ අනුව මෙම තරග ජයග්රහණයත් සමඟ තරග 5න් සමන්විත විස්සයි 20 ක්රිකට් තරගාවලිය තරග 3ට දෙකක් ලෙස ජයග්රහණය කිරීමට කොදෙව්වන් සමත් වුණේ.
ඊයේ පැවති තරගයේ පළමුවෙන් පන්දුවට පහරදුන් ඉන්දීය කණ්ඩායම නියමිත පන්දුවාර 20 අවසානයේ කඩුළු 09ක් දැවී රැස් කළ ලකුණු සංඛ්යාව 165ක්.
අනතුරුව පිළිතුරු ඉනිම ක්රීඩා කළ බටහිර ඉන්දීය කොදෙව් කණ්ඩායම පන්දුවාර 18ක් අවසානයේ කඩුළු 2ක් දැවී ලකුණු 171ක් ලබා ගනිමින් තරගය ජයග්රහණය කළා.
