කුරුණෑගල ශීක්ෂණ රෝහලේ වෛද්‍ය ෂාෆි ශිහබ්ඩීන් මහතා විසින් ගොනු කළ මූලික අයිතිවාසිකම් පෙත්සම සලකා බැලීම සඳහා මැයි මස 16 වන දා කැඳවන ලෙස ශ්‍රේෂ්ඨාධිකරණය නියම කළා.
පොලිසිය මඟින් තමා අත්අඩංගුවට ගෙන රඳවා ගැනීම නීතිවිරෝධී යැයි තීන්දු කරන ලෙස ඉල්ලා මෙම පෙත්සම ගොනු කර තිබෙනවා.
එම පෙත්සම ප්‍රියන්ත ජයවර්ධන, එස්. තුරෙයිරාජා සහ කුමුදුනී වික්‍රමසිංහ යන මහත්ම මහත්මීන්ගෙන් සමන්විත ශ්‍රේෂ්ඨාධිකරණ විනිසුරු මඩුල්ල ඉදිරියේ අද කැඳවනු ලැබුවා.
කුරුණෑගල ශීක්ෂණ රෝහලේ වෛද්‍ය ෂාෆි ශිහබ්ඩීන් මහතා පවසන්නේ තමන්ව අත්අඩංගුවට ගැනීමේදී කිසිදු සාධාරණ හේතුවක් පොලිසිය විසින් ප්‍රකාශ නොකළ බවයි.
ඒ හේතුවෙන් තමන්ගේ සිය මූලික අයිතීන් උල්ලංඝනය වූ බවට තීන්දුවක් ලබා දෙන ලෙසද ඔහු පෙත්සමෙන් ඉල්ලා තිබෙනවා.
