මීගමුව බන්ධනාගර ගැටුමෙන් ජීවිතක්ෂයට පත්වූ නිලධාරීන් 8 දෙනාට බන්ධනාගාර දෙපාර්තමේන්තුව උසස් වීම් ලබාදී තිබෙනවා. මීගමුව බන්ධනාගාරයේ ඛේදවාචකයෙන් බන්ධනාගාර නිලධාරීන් 8දෙනෙක් හා රැඳවියන් 21 දෙනෙක් ජීවිතක්ෂයට පත්වුණා.
සිද්ධිය පිළිබඳ විමර්ශන අපරාධ පරීක්ෂණ දෙපාර්තමේන්තුවට පවරා ඇති අතර ඒ අනුව මේ වනවිට විමර්ශන මීගමුව රෝහලේ හා කොළඹ ජාතික රෝහලේ ප්රතිකාර ලබන බන්ධනාගාර නිලධාරීන්ගෙන් හා රැඳවියන්ගේ ප්රකාශ ලබාගැනීම ආරම්භ කර තිබෙනවා. කොළඹ ජාතික රෝහලේ ප්රතිකාර ලබන නිලධාරීන් හා රැඳවියන් 29 දෙනෙකුගෙන් මේ වනවිට ප්රකාශ සටහන්කරගෙන තිබෙනවා.
ඒ අතර සිටින සියලුම රැඳවියන් කටුවැල්ලේගම සුරේෂ්ගේ පාර්ශ්වයෙන් පහරකෑමට ලක්වී ඇති බව පොලිසිය පවසනවා. කොළඹ ජාතික රෝහලේ ප්රතිකාර ලබමින් සිටින බන්ධනාගාර නිලධාරීන්ගෙන් ද මේ වනවිට ප්රකාශ සටහන් කරගෙන ඇති අතර එය මෙතෙක් සම්පූර්ණ කිරීමට හැකි වී නැහැ. ඒ ඇතැම් නිලධාරීන් ප්රකාශ ලබාදීම සඳහා මෙතෙක් සුදුසු සෞඛ්ය තත්ත්වයකින් නොසිටීම හේතුවෙන්.
