ඉන්දීය රජයේ පූර්ණ අනුග්රහයෙන් මෙරටට වැඩම කරවන ලද ශ්රී සර්වඥ ධාතූන් වහන්සේ වැඳපුදා ගැනීම සඳහා අද උදෑසන සිට විශාල ජනකායක පැමිණෙමින් තිබෙනවා.
ඓතිහාසික හුණුපිටිය ගංගාරාම විහාරස්ථානයේදී මෙම සර්වඥ ධාතූ ප්රදර්ශනය අද උදෑසන 7 සිට ආරම්භ වුණා.
ඒ අනුව අද සිට එළඹෙන මාර්තු පළමුවනදා දක්වා සර්වඥධාතූන් වැදපුදාගැනීමේ අවස්ථාවට මෙරට ජනතාවට හිමි වනවා.
ඉන්දීය අග්රාමාත්ය නරේන්ද්ර මෝදිගේ මැදිහත්වීමෙන් මෙම දෙව්නිමෝරි ශ්රී සර්වඥ ධාතූන් වහන්සේ ඊයේ පස්වරු 1 ට මෙරටට වැඩමවනු ලැබුවා.
ජනපති අනුර කුමාර දිසානායක මහතා පළමුව දෙව්නිමෝර් ශ්රී සර්වඥ ධාතූන් වහන්සේ වෙත ඊයේ පස්වරුවේ පුෂ්පෝපාහාර දැක්වීමෙන් අනතුරුව මෙම මහජන ප්රදර්ශනය ආරම්භ කෙරුණා.
