පසුගිය මාර්තු මාසයේ අවසාන භාගයේ දී ශ්‍රී ලංකා රජය සහ ජාත්‍යන්තර බැඳුම්කර හිමියන් සමඟ ලන්ඩන් නුවර දී පැවති සාකච්ඡාවල දී කරුණු දෙකක් සම්බන්ධයෙන් එකඟතාවයකට පැමිණීමට හැකි වූ බවත් ඉතිරි එකඟතා සම්බන්ධයෙන් නැවත වරක් සාකච්ඡා වටයක් ඉදිරියේ දී පැවැත්වෙනු ඇති බවත් ජාතික ආරක්ෂාව පිළිබඳ ජනාධිපති ජ්‍යෙෂ්ඨ උපදේශක හා ජනාධිපති කාර්ය මණ්ඩල ප්‍රධානි සාගල රත්නායක මහතා පවසනවා.
අදාළ සාකච්ඡාවේදී කරුණු 4ක් සම්බන්ධයෙන් අදහස් හුවමාරු කර ගැනුණු අතර එහිදී කරුණු දෙකකට එකගතාව පළවුණා.
සෙසු කරුණු දෙක සම්බන්ධයෙන් තවදුරටත් සාකච්ඡා පවත්වන බවයි සාගල රත්නායක මහතා සදහන් කළේ.
මේ සම්බන්ධයෙන් තම ඉතා සුබවාදී ආකල්පයක පසුවන බවද ඒ මහතා මෙහිදී වැඩිදුරටත් සදහන් කළා.
මාර්තු මාස අග භාගයේදී ලන්ඩන් නුවරදී බැඳුම්කර හිමියන් මුණගැසී තිබෙනවා. එම හමුවීම් බාහිරට අනාවරණය නොවූ ඒවා බවයි සාගල රත්නායක මහතා කියා සිටියේ.
