“ප්රවේශම්වන්න, අප රටට මෙම ආර්ථික අර්බුදකාරී අවස්ථාවේ අප කවුරුවත් දැනගත යුතු සිත්හි තබාගත යුතු වැදගත් කරුණු කිහිපයක් පිළිබඳ ඔබ සැමගේ දැඩි අවධානය යොමු කරන මෙන් කාරුණිකව දන්වා සිටිමු.” යනුවෙන් සඳහන් කරමින් සමාජ මාධ්ය ඔස්සේ ශ්රී ලංකා පොලිසිය විසින් මහජනතාවට යම්කිසි මඟ පෙන්වීම්ක සිදු කරන ආකාරය හුවා දක්වමින් පළකිරීමක් සිදුකර ඇති බව නිරීක්ෂණය වී ඇති බවයි පොලිසිය පවසන්නේ.
මෙය කිසිසේත්ම ශ්රී ලංකා fාපලිසිය විසින් මාධ්ය වෙත හෝ සමාජ මාධ්ය වෙත නිකුත් කරනු ලැබූ පණිවුඩයක් නොවන බවට පොලිසිය දන්වා සිටිනවා.
එසේම ශ්රී ලංකා පොලිසිය විසින් මහජනතාවට යම් දැනුවත් කිරීමක් සිදු කරන්නේ නම් එය පොලිස් මාධ්ය කොට්ඨාසය මගින් සිදු කරනු
ලබන අතර නියමිත ලිපි ශීර්ෂය යටතේ මාධ්ය වෙත මාධ්ය නිවේදනයක් ලෙස බැහැර කිරීම සිදුවේ.
ශ්රී ලංකා පොලිසියේ නිල ෆේස්බුක් ගිණුම ඔස්සේ සහ යූටියුබ් නාලිකාව ඔස්සේ ද මහජනතාවට දැනුම්දිය යුතු පණිවුඩ, යාවත්කාලීන වීමට අවශ්ය දැනුවත් කිරීම් දෛනිකව පලකිරීම මාධ්ය කොට්ඨාසය මගින් සිදුකරනු ලබනවා.
ශ්රී ලංකා පොලිසිය විසින් නිකුත් කළ බවට හැඟෙන ආකාරයට යම් පුද්ගලයෙකු හෝ පුද්ගල කණ්ඩායමක් විසින් මෙවැනි ආකාරයට පුවත් සංසරණය කරවීම යම්කිසි සැලසුම් සහගත ක්රියාවක්ද යන්න සම්බන්ධයෙන් සොයා බැලීම සිදුකිරීමට අවශ්ය පියවර ගැනීමට කටයුතු කර ඇති බවද පොලිසිය පවසනවා.
මෙවැනි ආකාරයට පළවන පළකිරීම්වල අඩංගු කරුණු සම්බන්ධයෙන් අවබෝධයෙන් සහ ඥානාන්විතව කටයුතු කරන මෙන් ශ්රී ලංකා පොලිසිය ඉල්ලා සිටිනවා.
Loading...
Reload document 
Open in new tab 
