මෙම දිනවල වෙළඳපොළේ එළවලු මිල අනපේක්ෂිත ලෙස ඉහළ ගොස් තිබෙනවා.
ගොවීන් පවසන්නේ මෙලෙස මිල ගණන් ඉහළ යාමට ප්‍රධාන හේතුවක් වී ඇත්තේ අතරමැදි වෙළෙඳුන් විශාල ලාභයක් ලබා ගැනීමට කටයුතු කිරීම බවයි.
එළවලු ගොවීන් විසින් වෙළෙඳපොළට මෙන්ම තඹුත්තේගම, කැප්පෙටිපොළ නාරහේන්පිට ඇතුළු ආර්ථික මධ්‍යස්ථානවලට යොමු කරන එළව`ඵ මිල ගණන් සහ දිවයිනේ විවිධ ප්‍රදේශවල ආර්ථික මධ්‍යස්ථාන හා වෙළෙඳුන්ගේ එළවලු මිල ගණන් අතර විශාල පරතරයක් දක්නට ලැබෙන බවයි වාර්තා වන්නේ.
ඒ අනූව රුපියල් 600 කට වෙළෙඳපොළේ අලෙවි වන බෝංචි කිලෝවක් ගොවියාගෙන් මිල දී ගෙන තිබුණේ රුපියල් 300 ක් වැනි අඩු මිලකටයි.
එමෙන්ම ගොවීන්ගෙන් රුපියල් 500 කට මිලදී ගන්නා තක්කාලි කිලෝවක් වෙළෙඳපොළේ අලෙවි වන්නේ රුපියල් 1200 කට වන අතර මේ වන විට වෙළදපොලේ දෙහි, ඉඟුරු යනාදියෙහි කිලෝවක මිල රුපියල් 3000 ඉක්මවා ගොස් තිබෙනවා.
අමු මිරිස් කිලෝවක් වෙළෙඳපොළේ රුපියල් 1400 ට අලෙවි වන අතර, ගොවීන්ගෙන් ඒවා මිල දී ගනු ලබන්නේ කිලෝවක් රුපියල් 600 කට ආසන්න මිලකටයි.
මේ, එළව`ඵ මිල සම්බන්ධයෙන් පාරිභෝගිකයින් දැක්වූ අදහස් කිහිපයක්.
