වීසා නොමැතිව මෙරට රැඳී සිටි විදේශිකයන් 16 දෙනෙක් නීති විරෝධීව මෙරටට රැගෙන එන ලද දුම්වැටි තොගයක්ද සමග කුරුඳුවත්ත පොලිසිය විසින් අත්අඩංගුවට ගෙන තිබෙනවා.
පොලිසිය කියා සිටියේ කුරුඳුවත්ත පොලිසියේ නිලධාරීන්ට ලද තොරතුරක් මත ඊයේ(22) සවස කුරුඳුවත්ත, ජාවත්ත ප්රදේශයේ සිදු කරන ලද වැටලීමකදී මෙම විදේශිකයන් පිරිස අත්අඩංගුවට ගෙන ඇති බවයි.
එහිදී වීසා කොන්දේසි උල්ලංඝනය කරමින් මෙරට රැඳී සිටි විදේශිකයන් 16 දෙනෙක් සහ තීරු බදු රහිතව මෙරටට රැගෙන එන ලද විදේශීය දුම්වැටි 3280ක් සන්තකයේ තබාගෙන සිටියදී අත්අඩංගුවට සැකකරුවන් අත්අඩංගුවට ගෙන තිබෙනවා.
අත්අඩංගුවට ගත් සැකකාර විදේශිකයන් අවුරුදු 20ත් 45ත් අතර වයස්වල පසුවන චීන ජාතිකයන් පිරිසක් බවයි පොලිසිය පවසන්නේ.
කුරුඳුවත්ත පොලිසිය විසින් වැඩිදුර විමර්ශන සිදු කරනු ලබනවා.
