විදෙස් ආයෝජකයන්ට සුදුසු පරිසරයක් රටතුළ නිර්මාණය කර ඇති බව අමාත්‍ය අනිල් ජයන්ත ප්‍රනාන්දු මහතා පවසනවා.
ජපාන ශ්‍රී ලංකා ව්‍යාපාරික ප්‍රවර්ධනය පිළිබද සමාරම්භක සැසියට එක්වෙමින් අමාත්‍යවරයා එම අදහස් පළකළා.
ජපාන ශ්‍රී ලංකා ව්‍යාපාරික ප්‍රවර්ධනය පිළිබඳ ආරම්භක සැසිය ආයෝජන මණ්ඩල ශ්‍රවණාගාරයේදී පැවැත්වුණා.
ආයෝජන මණ්ඩලයේ සභාපති අර්ජුන හේරත් ශ්‍රී ලංකාවේ ජපාන තානාපති අකියෝ ඉසොමොටා යන මහත්වරුන් සහ ආයෝජකයන් ඇතුළු පිරිසක් ඊට එක්ව සිටියා.
සැසිය අමතමින් අමාත්‍ය අනිල් ජයන්ත ප්‍රනාන්දු මහතා ප්‍රකාශ කළේ වත්මන් රජය සියලු ආයෝජන විනිවිද භාවයෙන් යුතුව සිදුකරන බවයි.
