හිටපු අමාත්ය රාජිත සේනාරත්න මහතා අත්අඩංගුවට ගෙන ඉදිරිපත් කරන ලෙස දන්වා කොළඹ මහේස්ත්රාත් අධිකරණය අද වරෙන්තු නිකුත් කළා.
අල්ලස් කොමිසම විසින් සිදු කරන විමර්ශනයක සැකකරුවකු හිටපු අමාත්යවෙරයාව නම් කර තිබුණා.
සැකකාර හිටපු අමාත්ය රාජිත සේනාරත්න මහතා ප්රකාශ ලබාදීම මගහරිමින් විමර්ශනවලට බාධා කරන බවට අල්ලස් කොමිසම විසින් අද අදිකරණයට කරුණු ඉදිරිපත් කළා.
ඒ අනුව කරුණු සලකා බැලූ කොළඹ අතිරේක මහේස්ත්රාත් පසන් අමරසේන මහතා විසින් මෙම නියෝගය නිකුත් කරනු ලැබුවා.
කිරින්ද ධීවර වරායේ වැලි කැණීමේ ව්යාපෘතියක් කොරියානු සමාගමකට ලබාදී රජයට රුපියල් කෝටි දෙකකට අධික පාඩුවක් සිදු කිරීම අමාත්යවරයාට එරෙහිව ඇති චෝදනාව වනවා .
2012 වසරේ මැයි මස 10 වන දා කොරියානු සමාගමක් විසින් කිරින්ඳ ධීවර වරායේ වැලි කැණීම්කර , එම වැලි දේශීය වෙළඳපොළට නිකුත් කළ හැකි පරිදි ව්යාපෘතියක් පවත්වාගෙන ගෙන යාම සම්බන්ධයෙන් අදාළ විදේශීය සමාගම යෝජනාවක් ඉදිරිපත් කර තිබුණා .
එම යෝජනාව නියමිත ප්රසම්පාදන ක්රියාවලී හෝ කැබිනට් අනුමැතියකින් තොරව ක්රියාත්මක කර රජයට පාඩු කිරීම සම්බන්ධයෙන් සිදු කරන විමර්ශනයේ සැකකරුවකු ලෙසයි හිටපු අමාත්යවරයාව නම් කර ඇත්තේ .
