වහාම ක්‍රියාත්මක වන පරිදි ජ්‍යේෂ් පොලිස් නිලධාරීන් 5දෙනෙකුගේ ස්ථාන මාරු සිදු කිරීමට පොලිස්පතිවරයා නියෝග කර තිබෙනවා.
මහජන ආරක්ෂක අමාත්‍යාංශයේ දැනුම්දීම පරිදි හදීසි සේවා අවශ්‍යතා සලකා ජාතික පොලිස් කොමිෂන් සභාවේ අනුමැතියට යටත්ව මෙම ස්ථාන මාරු කිරීම් සිදු කර ඇති බවයි පොලීසිය සදහන් කළේ.
ඒ අනුව නියෝජ්‍ය පොලිස්පති යූ.පී.ඒ.ඩී.ආර්. කරුණානායක මහතා ප්‍රජා පොලිස් හා පරිසර ආරක්ෂණ දිසාව භාර නියෝජ්‍ය පොලිස්පති තනතුරේ සිට බස්නාහිර පළාත රථවාහන දිසාව භාර නියෝජ්‍ය පොලිස්පතිවරා ලෙසත්, නියෝජ්‍ය පොලිස්පති ජී.අයි.ඩී.ආර් විජේසිංහ මහතා බස්නාහිර රථවාහන දිසාව භාර නියෝජ්‍ය පොලිස්පති තනතුරේ සිට ගාල්ල දිසාව භාර නියෝජ්‍ය පොලිස්පතිවරයා ලෙසත් පත් කර තිබෙනවා.
වැඩබලන නියෝජ්‍ය පොලිස්පති එල්.ඒ.යූ සරත් කුමාර මහතා මඩකලපුව දිසාව භාර නියෝජ්‍ය පොලිස්පති තනතුරේ සිට බස්නාහිර පළාත අපරාධ දිසාව භාර නියෝජ්‍ය පොලිස්පතිවරා ලෙසයි පත් කර තිබෙන්නේ.
මීට අමතරව වැඩබලන නියෝජ්‍ය පොලිස්පත් ඩබ්ලිව්. කේ.ජේ.ආර්. ඩයස් මහතා බස්නාහිර අපරාධ දිසාව භාර නියෝජ්‍ය පොලිස්පති තනතුරේ සිට ප්‍රජා පොලිස් හා පරිසර ආරක්ෂණ දිසාව භාර නියෝජ්‍ය පොලිස්පති ලෙසත්, වැඩබලන නියෝජ්‍ය පොලිස්පති ඒ.එල්.යූ.එන්.පී ලියනගේ මහතා ගාල්ල දිසාව භාර නියෝජ්‍ය පොලිස්පති තනතුරේ සිට මඩකලපුව දිසාව භාර නියෝජ්‍ය පොලිස්පති ලෙසද පත් කර තිබෙනවා.
