දිඹුලපතන, කොටගල ආගිල් පුද්ගලික වතු යායේ වතු නිවසා පේලියක හටගත් ගින්නකින් එක් නිවවසක් විනාශ වී ඇති බවත්, එම ගින්න නිවීමට යාමේදී අර්ධ වශයෙන් ඊට යාබදව තිබූ තවත් නිවාස දෙකක් අලාභ හානි සිදුව ඇති බවත් දිඹුල පතන පොලිසිය පවසනවා.
අද(09) උදෑසන 8ට පමණ එක් නිවසකින් ගින්න හටගෙන ඇති අතර සෙසු නිවාසවලට පැතිර යමින් තිබූ ගින්න වතු කම්කරුවන් එක්ව පාලනය කර තිබෙනවා.
ගින්නෙන් එක් නිවසක තිබූ බඩුබාහිරාදිය සම්පූර්ණයෙන්ම ගිනිගෙන විනාශ වී තිබෙනවා.
ගින්නට හේතුව විදුලි කාන්දුවක් බවට සැකකෙරෙන අතර ගින්නෙන් කිසිවෙකුටත් තුවාල සිදුවී නොමැති බවත් ගින්නෙන් සිදුව ඇති අලාභයද මෙතෙක් තක්සේරු කර නොමැති බවයි ගින්න පිළිබඳ පරීක්ෂණ පවත්වන දිඹුලපතන පොලිසියේ නිලධාරියෙක් කියා සිටියේ.
