වතුකරයේ පෙර පාසල් පාලිකාවන් සහ එම පෙර පාසල්වල අධ්යාපනය ලබන දරු දැරියන්ගේ දෙමව්පියන් එක්ව අද(22) දින හැටන් නගරයේදී උද්ඝෝෂණයක් පවත්වා තිබෙනවා.
මලයගම් පෙර පාසල් ගුරු සංසදය මගින් සංවිධානය කරන ලද මෙම පාගමන සහ උද්ඝෝෂණයට වතුකරයේ පෙර පාසල්වල ඉගැන්වීම් කටයුතු සිදුකරන පෙර පාසල් පාලිකාවන් විශාල පිරිසක් සහබාගි වී තිබෙනවා.
මෙම විරෝධතාවයේදී අදහස් දැක්වූ මලයගම් පෙර පාස්ල ගුරු සංසදයේ නිලධාරීන් සහ පෙර පාසල් පාලිකාවන් කියා සිටියේ නුවරඑළිය දිස්ත්රික්කයේ සෑම වතු යායකම වතු පරිපාලනය මගින් ලබාදුන් ගොඩනැගිල්ලක පෙර පාසල් පවත්වාගෙන යන බවත් එසේ පවත්වාගෙන යන පෙර පාසල්වලට ඇතැම් වතු පාලන අධිකාරිය විසින් සිදුකරන බලපෑම් හමුවේ පෙර පාසල් පවත්වාගෙන යාමට නොහැකි තත්ත්වයක් උද්ගත වී ඇති බවයි.
තවද රජයේ ලියාපදිංචි වතු ආශ්රී පෙර පාසල් පාලිකාවන්ට රුපියල් 5000ක දීමානවක් ලැබෙන බවත් එසේ දීමනාව නොලබන පෙර පාසල් පාලිකාවන්ට එම පෙර පාසල්වල අධ්යාපන ලබන දෙමව්පියන්ගෙන් ලැබෙන මුදලින් පෙර පාසල පවත්වාගෙන යන බවයි.
වතුපාලන ආධිකාරියෙන් පෙර පාසල පවත්වාගෙන යාමට ගොඩනැගිල්ල පමණක් ලබාදී ඇති බවත් වතුපාලන අධිකාරිය මගින්පෙර පාසල පවත්වාගෙන යාමට හෝ පාලිකාවන්ට කිසිදු දීමනාවක් ලබානොදෙන බවයි විරෝධතාවයේ නියැලි සිටි පෙර පාසල් පාලිකාවන් කියා සිටියේ.
හැටන් බස් නැවතුම්පොලින් පෙළපාලියකින් ගමන් ආරම්භ කළ පෙර පාස්ල පාලිකාවන් සහ දෙමව්පියන් නගර මධ්යයෙන් හැටන් ෆුඩ් සිටි ගොඩනැගිල්ල වෙත පැමිණ උද්ඝෝෂණයකද නිරත විය.
