හැටන් සිට දංකොටුව දක්වා අධික වේගයෙන් ධාවනය වූ ලොරි රථයක් මාර්ගයෙන් ඉවතට පැන අඩි 20ක් පමණ ප්රපාතයෙන් වූ බෝක්කුවක් මතට පෙරලීමෙන් එම ලොරි රථයේ ගමන් ගත් රියදරා සහ රිය සහයකයා බරපතල ලෙස තුවාල ලබා වටවල ප්රාදේශීය රෝහල වෙත ඇතුළත් කිරීමෙන් පසු තුවාලකරැවන්ගේ තත්ත්වය බරපතල නිසා තුවාලකරුවන් වැඩිදුර ප්රතිකාර සඳහා නාවලපිටිය දිස්ත්රික් මහ රෝහල වෙත මාරුකර යැවූ බව වටවල පොලිසියේ ස්ථානාධිපති ප්රධාන පොලිස් පරීක්ෂක චන්දන ගමගේ මහතා පවසනවා.
අද(21) දින අලුයම 3ට පමණ මෙම අනතුර සිදු වී ඇත්තේ හැටන් කොළඹ ප්රධාන මාර්ගයේ වටවල සිංහල විදුහල ආසන්නයේදීයි.
හැටන් සිට දංකොටුව දක්වා ධාවනය වූ ලොරි රථයට ප්රතිවිරුද්ධ දිශාවෙන් තම ලොරිය දෙසට ධාවනය වූ ලොරි රථයක ගැටී සිදුවීමට ගිය අනතුරක් වලක්වා ගැනීමට උත්සාහ කිරීමේදී තම ලොරි රථය මාර්ගයෙන් ඉවතට පැන අනතුරට පත්වූ බව එම ලොරි රථයේ රියදුරු පැවසූ බවයි පොලිසිය පවසන්නේ.
අනතුරට පත් ලොරි රථයේ රියදුරා ලොරි රථයය තුළ සිටියදී වටවල පොලිසියේ නිලධාරීන් දැඩි පරිශ්රමයයක් දරා රියදුරු ඉවතට ගෙන රෝහල් ගත කර තිබෙනවා.
මේ අතර කොළඹ සිට නුවරඑළිය දක්වා ධාවනය වූ ලංගම බස් රථය ගමන් ගත් මගියෙකු අනතුර නැරඹීමට බස් රථයේ රියදුරා විසින් නතර කළ අවස්ථාවේ එම බස් රථයේ මගියෙකුද අනතුර නරඹා යළි එම බස් රථයට ගොඩවීට උත්සාහ කිරීමේදී බස් රථයේ ඉදිරිපස රෝදයට පාදය යට වී බරපතල ලෙස තුවාල ලබා එම මගියාද නාවලපිටිය දිස්ත්රික් මහ රෝහල වෙත ඇතුළත් කළ බව වටවල පොලිසියේ රථ වාහන අංශයේ නිලධාරීන් පවසනවා.
අනතුරු දෙක සම්බන්ධයෙන් වටවල පොලිසියේ රථ වාහන අංශයේ නිලධාරීන් පරීක්ෂණ පවත්වනු ලබනවා.
