රුසියානු ආරක්ෂක අමාත්‍යවරයාව සිටි සර්ජි ෂොයිගු ඉන් ඉවත් කිරීමට රුසියානු ජනාධිපති ව්ලැඩිමීර් පුටින් තීරණය කර තිබෙනවා.
ඒ අනුව එම තනතුර සඳහා නියෝජ්‍ය අගමැති ඇන්ඩි්‍ර බෙලූසොව් පත් කිරීමට තීරණය කර ඇති බවට රුසියානු පාර්ලිමේන්තුවේ ඉහළ සභා ගර්භය විසින් ප්‍රකාශයට පත් කරන ලද පත්‍රිකාවක සඳහන් කර ඇති බවයි විදෙස් මාධ්‍ය වාර්තා කර ඇත්තේ.
ජනාධිපති ව්ලැඩිමීර් පුටින්ගේ දිගුකාලීන මිතුරෙකු වන සර්ජි ෂොයිගු 2012 වසරේ සිට ආරක්ෂක අමාත්‍ය ධුරයේ කටයුතු කර තිබෙනවා.
යුක්රේන – රුසියා යුද්ධයේදී ෂොයිගු ප්‍රධාන භූමිකාවක් ඉටු කර ඇති බවයි විදෙස් මාධ්‍ය වැඩිදුරටත් සඳහන් කර ඇත්තේ.
