රාජ්‍ය අමාත්‍ය ඩයනා ගමගේ මහත්මියගේ පාර්ලිමේන්තු මන්ත්‍රී ධුරය බල රහිත කිරීමේ රිට් ආඥාවක් නිකුත් කරන්නැයි ඉල්ලා ගොනු කළ පෙත්සමේ තීන්දුව ප්‍රකාශ කිරීම ජූලි 25 වන දා දක්වා කල් තැබීමට අභියාචනාධිකරණය අද(06) තීන්දු කළා.
එම පෙත්සමේ තීන්දුව අද දිනයේ ප්‍රකාශයට පත් කිරීමට නියමිතව තිබුණා.
කෙසේ වෙතත් අභියාචනාධිකරණ විනිසුරු මඩුල්ල නිවේදනය කළේ අදාළ තීන්දුව ප්‍රකාශයට පත් කිරීම ලබන 25 වන දා දක්වා කල් තබන බවයි.
සමාජ ක්‍රියාකාරි ඔෂල හේරත් මහතා මෙම පෙත්සම ගොනු කර තිබෙනවා.
රාජ්‍ය අමාත්‍ය ඩයනා ගමගේ මහත්මිය බි්‍රතාන්‍ය පුරවැසි භාවය හිමි තැනැත්තියක් බැවින් ඇයට මෙරට පාර්ලිමේන්තුවේ අසුන් ගැනීමට සුදුසුකමක් නොමැති බවට තීන්දු කරන ලෙස ඉල්ලා ඔහු මෙම පෙත්සම ඉදිරිපත් කර තිබෙනවා.
