ජාතික ජනබලවේග ගම්පහ දිස්ත්රික් පාර්ලිමේන්තු මන්ත්රී අශෝක රන්වල මහතාගේ රිය අනතුර සම්බන්ධ සිදුවීමේදී පොලිස් නිලධාරීන් රාජකාරිය පැහැර හැර ඇති බව පොලිසිය පවසනවා.
නිවේදනයක් නිකුත් කරමින් පොලිස් මාධ්ය කොට්ඨාසය සඳහන් කළේ, ඒ සම්බන්ධයෙන් පොලිස්පතිවරයාගේ නියමයෙන් රථවාහන පාලන හා මාර්ග ආරක්ෂාව දිසාව භාර නියෝජ්ය පොලිස්පතිවරයා විසින් විමර්ශනයක් සිදුකළ බවයි.
අදාළ විමර්ශනවලදී සපුගස්කන්ද පොලිස් ස්ථානාධිපතිවරයා, අනතුර සම්බන්ධයෙන් විමර්ශනය සිදුකළ රථවාහන අංශයේ ස්ථානාධිපති ඇතුළු නිලධාරීන් රාජකාරිය පැහැර හැර ඇති බවට අනාවරණය වී තිබෙනවා.
එමෙන්ම සපුගස්කන්ද පොලිස් ස්ථානය අධීක්ෂණය කරනු ලබන ජ්යෙෂ්ඨ රාජ්ය නිවේදිත නිලධාරීන් විසින් ද සිය රාජකාරිය පැහැර හැර ඇති බවයි නිරීක්ෂණය වී ඇත්තේ.
ඒ අනුව එම නිලධාරීන්ට එරෙහිව පොලිස් විශේෂ විමර්ශන ඒකකය මඟින් මුලික විමර්ශනයක් ආරම්භ කර විනය ක්රියාමාර්ග ගැනීමට පොලිස්පතිවරයා විසින් උපදෙස් ලබාදී තිබෙනවා.
