පිරිසිදු පානීය ජලය ඉල්ලූ ගම්පහ රතුපස්වල ප්රදේශවාසීන්ට යුද හමුදාව ලවා වෙඩි තැබීමේ සිදුවීම සම්බන්ධ නඩුවේ තීන්දුව අද ප්රකාශයට පත් කිරීමට නියමිතව තිබෙනවා.
මෙම නඩුව විභාගය පසුගිය 27 වැනිදා අවසන් වූ අතර, එය විභාග කළ ත්රිපුද්ගල විනිසුරු මඬුල්ල තීරණය අනුවයි අද දිනයේදී තීන්දුව ප්රකාශ කිරීමට නියමිතව ඇත්තේ.
2013 අගෝස්තු පළමු වැනිදා යුද හමුදාව කළ වෙඩි තැබීමෙන් සහ පහරදීමෙන් පාසල් සිසුන් දෙදෙනකු ඇතුළු තිදෙනකු මරණයට පත්වූ අතර 50කට ආසන්න සංඛ්යාවක් තුවාල ලැබුවා.
රතුපස්වල වෙඩි තැබීමේ සිදු වීම සම්බන්ධයෙන් අපරාධ පරීක්ෂණ දෙපාර්තමේන්තුවේ හිටපු අධ්යක්ෂ ශානි අබේසේකර සහ ජ්යෙෂ්ඨ නියෝජ්ය පොලිස්පති රවී සෙනවිරත්න මහත්වරුන්ගේ මෙහෙයවීම මත විමර්ශන සිදු කර හමුදා බි්රගේඩියර්වරයකු ඇතුළු සිව් දෙනෙක් අත්අඩංගුවට ගැනීමටයි කටයුතු කරනු ලැබුවේ.
එම සිව්දෙනාට එරෙහිව ගම්පහ මහාධිකරණයේ අධිචෝදනා ගොනු කිරීමෙන් පසු නීතිපතිවරයාගේ ඉල්ලීම මත අගවිනිසුරුවරයා නඩුව විභාග කිරීම සදහා ත්රිපුද්ගල මහාධිකරණ විනිසුරු මඩුල්ලක් පත් කර තිබුණා.
උණුසුම් පුවත්
- පිළිකා රෝහලේ දරැවන්ගේ බෙහෙත් හිගයි
- නයිජීරියාවේ කොලරා වසංගත තත්ත්වයක්
- හර්ෂ ඉලුක්පිටියට දඬුවම් නියම කිරීමේ තීන්දුව කල් යයි
- පැහැර ගැනීම් වෙඩි තැබීම් මැද වැලිගම බලය සජබෙට
- තවත් ගුවන් යානයක් අතුරුදහන්
- එක්ස්ප්රස් පර්ල් නඩුවේ තීන්දුව දෙයි – වන්දිය අ. ඩො. බිලියන 1ක්
- ආනයන අපනයන බලපත්ර නිකුත් කිරීමෙන් වැඩි ආදායමක්
- තායිලන්තය සහ කාම්බෝජය අතර දේශසීමා වසා දැමේ