ඉන්දියාව සහ පාකිස්තානය අතර පවතින යුද ගැටුම් නැවැත්වීමට එකඟ වී ඇති බව අමෙරිකානු ජනාධිපති ඩොනලඩ් ට්රම්ප් නිවේදනය කර තිබෙනවා.
‘Truth Social’ සමාජ මාධ්ය වේදිකාවේ සටහනක් තබමිනුයි අමෙරිකානු ජනාධිපතිවරයා මේ බව පවසා ඇත්තේ.
එහිදී අමෙරිකානු ජනාධිපතිවරයා පවසා ඇත්තේ එක්සත් ජනපදයේ මැදිහත්වීමෙන් සහ දිගු රාත්රියක සාකච්ඡාවලින් පසු, ඉන්දියාව සහ පාකිස්තානය පූර්ණ හා ක්ෂණික සටන් විරාමයකට එකඟ වූ බවයි.
මේ අතර අමෙරිකානු රාජ්ය ලේකම් මාර්කෝ රුබියෝ සිය X ගිණුමේ සටහනක් තබමින් පවසා ඇත්තේ ඉන්දියාව සහ පාකිස්තානය ක්ෂණික සටන් විරාමයකට එකඟ වී ඇති බවත් මධ්යස්ථ ස්ථානය පුළුල් පරාසයක සිට ගැටළු සම්බන්ධයෙන් සාකච්ඡා ආරම්භ කර ඇති බවත්ය.
එමෙන්ම “සාමයේ මාවත තෝරා ගැනීමේදී අගමැති මෝදි සහ ෂරීෆ්ගේ ප්රඥාව, විචක්ෂණභාවය සහ රාජ්ය තාන්ත්රිකභාවය පිළිබඳව අපි ඔවුන්ට ප්රශංසා කරමු.” ලෙසත් ඔහු සිය X ගිණුමේ සටහන් කර තිබෙනවා.
මේ අතර පාකිස්තාන නියෝජ්ය අගමැති ඉෂාක් ඩාර් පවසන්නේ පාකිස්තානය සහ ඉන්දියාව වහාම ක්රියාත්මක වන පරිදි සටන් විරාමයකට එකඟ වූ බවයි.
එමෙන්ම මෙම සටන් විරාමය ඉන්දියාවද තහවුරු කර ඇති අතර ඉන්දීය විදේශ ලේකම් වික්රම් මිස්රි පවසා ඇත්තේ ඒ අනුව සියලු ගොඩබිම්, ගුවන් සහ මුහුදු ප්රහාර ඇතුළු පාකිස්තානයට එරෙහි සියලු ප්රහාර නවත්වන බවයි.
එමෙන්ම පාකිස්තානයේ හමුදා මෙහෙයුම් අධ්යක්ෂ ජනරාල්වරයා අද දහවල් ඉන්දියාව අමතා ඇති බවත් දෙපාර්ශ්වයේම සියලු ප්රහාර නතර කිරීමට එකඟ වූ බවත්ය.
