යාපනය විශ්වවිද්යාලයේ කථිකාචාර්යවරියකට පහර දී ඝාතනය කිරීමේ සිද්ධියක් සම්බන්ධයෙන් ඇයගේ 21 හැවිරිදි බෑනා සහ 19 හැවිරිදි දියණිය ත්රිකුණාමලය ප්රදේශයේදී අත්අඩංගුවට ගෙන තිබෙනවා.
මෙලෙස ඝාතනයට ලක්ව ඇත්තේ, 54 හැවිරිදි තිලීපන් දයාලිනි නමැති අයෙක්.
කථිකාචාර්යවරිය සහ ඇයගේ දියණිය පැහැරගෙන ගොස් ඇති බවට ඇයගේ පුත්රයා විසින් යාපනය පොලිසියට පැමිණිල්ලක් ඉදිරිපත් කර තිබුණා.
ඒ අනුව සිදුකළ විමර්ශනවලදී අත්අඩංගුවට ගත් සැකකාර බෑනා විසින් සිදුකළ පහරදීමකින් කථිකාචාර්යවරිය මියගොස් ඇති බව හෙළිව තිබෙනවා.
අනතුරුව මළ සිරුර යාපනය ප්රදේශයේ මග දමා ගොස් ඇති බවයි සැකකරු පවසා ඇත්තේ.
සැකකාර යුවල යන අතර මග පරන්තන් ප්රදේශයේ ඒ.ටී.එම් (ATM) යන්ත්රයකින් මුදල් ලබාගෙන ඇති අතර, පසුව ත්රිකුණාමලයේ පිරවුම්හලකින් ඉන්ධන ලබාගෙන ඇති බව අනාවරණය වී තිබෙනවා.
ඉන්ධන ලබාගැනීමට භාවිතා කළ QR කේතය සහ සී.සී.ටී.වී (CCTV) දර්ශන ඔස්සේ සැකකරුවන් හඳුනාගැනීමට පොලිසියට සමත්ව තිබෙනවා.
මේ වනවිට අදාළ මළ සිරුර යාපනය ශීක්ෂණ රෝහලේ මෘත ශරීරාගාරයේ තැන්පත් කර ඇති අතර සිද්ධිය සම්බන්ධයෙන් වැඩිදුර විමර්ශන යාපනය පොලීසිය විසින් ක්රියාත්මක කරනවා.
