යතුරු පැදියක ගැටීමෙන් පොතුවිල් ප්රදේශයේ පිරිමි ළමයෙකු සහ මාතලේ ප්රදේශයේ කාන්තාවක් ජීවිතක්ෂයට පත්ව තිබෙනවා.
පොලිසිය කියා සිටියේ ඊයේ(05) දහවල් පොතුවිල් – පානම මාර්ගයේ පසරච්චේන ප්රදේශයේදී පානම දෙසට ධාවනය වූ යතුරු පැදියක් පැදිකරුට පාලනය කරගැනීමට නොහැකිව මාර්ගය අයිනේ ගමන් කළ පිරිමි ළමයෙකුගේ ගැටීමෙන් අනතුරක් සිදුව තිබෙනවා.
අනතුරින් තුවාල ලැබූ යතුරුපැදිකරු හා පිරිමි ළමයා පොතුවිල් රෝහලට ඇතුළත් කිරීමෙන් පසු පිරිමි ළමයා මියගොස් තිබෙනවා.
මෙලෙස මියගොස් ඇත්තේ වයස අවුරුදු 8යි මාස 10ක් වූ පොතුවිල් ප්රදේශයේ පදිංචිකරුවෙක් බවයි පොලිසිය කියා සිටියේ.
පොතුවිල් පොලිසිය විසින් වැඩිදුර විමර්ශන සිදුකරනු ලබනවා.
මේ අතර මාතලේ යාපනය මාර්ගයේ මාතලේ නගරය ආසන්නයේදී දඹුල්ල දෙසට ධාවනය වූ යතුරු පැදියක් මාර්ගය හරහා ගමන් කළ පදික කාන්තාවකගේ ගැටීමෙන් ඊයේ(05) උදෑසන අනතුරක් සිදුව තිබෙනවා.
අනතුරින් තුවාල ලැබූ පදික කාන්තාව මාතලේ රෝහලට ඇතුළත් කරන විටත් මියගොස් සිට ඇති බවයි පොලිසිය පවසන්නේ.
මෙලෙස මියගොස් ඇත්තේ වයස අවුරුදු 77ක් වූ මාතලේ ප්රදේශයේ පදිංචිකාරියක් බවයි පොලිසිය කියා සිටියේ.
මාතලේ පොලිසිය විසින් වැඩිදුර විමර්ශන සිදු කරනු ලබනවා.
