ගෙවුණු වසරකට ආසන්න කාලය තුළ මෙරට මුහුදු සීමාව හරහා ගමන් කළ නෞකා 26 කින් දිවයින අවට සාගර කලාපය දැඩි ලෙස දූෂණය වී ඇති බව සමුද්‍රීය පරිසර ආරක්ෂණ අධිකාරිය පවසනවා.
එම අධිකාරිය මේ බව අනාවරණය කළේ නවීනතම චන්ද්‍රිකා තාක්ෂණය උපයෝගී කර ගනිමින් ලබාගත් දත්ත පදනම් කර ගනිමිනුයි.
මෙරට සමුද්‍රීය කලාපයේ මෑත කාලීනව සිදු වූ ප්‍රධානම අනතුරු දෙක වන්නේ, නිව් ඩයමන්ඩ් නෞකා අනතුර සහ එක්ස්ප්‍රස් පර්ල් නෞකා අනතුරයි.
එම අනතුරු දෙකෙන් මෙරට සමුද්‍රීය පරිසරයට අති විශාල හානියක් සිදු වුණා.
මේ හේතුවෙන් ප්‍රංශ රජය සමග එක්ව මෙරට සමුද්‍රීය කලාපය හරහා යාත්‍රා කරන නෞකාවලින් සිදුවන තෙල් කාන්දු වීම් පිළිබඳව විශේෂ නිරීක්ෂණයක් සිදුකිරීමට සමුද්‍රීය පරිසර ආරක්ෂණ අධිකාරිය කටයුතු කර තිබෙනවා.
