ණය ප්‍රතිව්‍යුහගත කිරීමේ කටයුතු අවසන් වූ විගස ජාත්‍යන්තර මූල්‍ය අරමුදල විසින් මූල්‍ය ප්‍රතිපාදන මෙරටට ලබා දෙනු ඇති බවට තමන් අපේක්ෂා කරන බව මහා බැංකු අධිපති ආචාර්ය නන්දලාල් වීරසිංහ මහතා පවසනවා.
විනිමය අනුපාතය ජාත්‍යන්තර මූල්‍ය අරමුදලේ ඉදිරි ක්‍රියාකාරිත්වය හා රටේ වත්මන් ආර්ථික තත්ත්වය සම්බන්ධයෙන් දැනුවත් කිරීම සඳහා මහා බැංකුවේ අද පැවති මාධ්‍ය හමුවකට එක්වෙමින් ඒ මහතා මේ බව කියා සිටියා.
එමෙන්ම, මේ මොහොතේ මැතිවරණයක් පැවැත්වීම සුදුසු ද නැද්ද යන්න මහ බැංකුවට අදාළ කාරණයක් නොවන බව මහ බැංකු අධිපති ආචාර්ය නන්දලාල් වීරසිංහ මහතා පවසනවා.
මැතිවරණයක් යනු මහ බැංකු ක්‍රියා පටිපාටියෙන් පිටත පවතින දෙයක් හේතුවෙන් ඒ පිළිබඳව තමන්ට අදාළත්වයක් නොමැති බවයි මහ බැංකු අධිපතිවරයා අද කොළඹ පැවති මාධ්‍ය හමුවකට එක් වෙමින් වැඩිදුරටත් කියා සිටියේ.
මේ අතර රට තුළ පවතින බදු ප්‍රතිපත්තිය සම්බන්ධයෙන් මහ බැංකු අධිපති ආචාර්ය නන්දලාල් වීරසිංහ මහතා මෙලෙස අදහස් පල කළා.
මේ අතර මහ බැංකු සේවකයින් විසින් අද දින ක`ඵ ඇදුමින් සැරසි මහ බැංකුවේ වීදි කණු මත ක`ඵ පටිවලින් සරසනු ලැබුවා.
ඒ සිදු කරන ලද බදු ප්‍රතිපත්තියට එරෙහිවයි.
එමෙන්ම සමගි ජනබලවේගය පක්ෂයේ පාර්ලිමේන්තු මන්ත්‍රී ආචාර්ය හර්ෂ ද සිල්වා මහතා කියා සිටියේ ජනතාවගෙන් බදු අය කර ගැනීමේ ක්‍රියාවලියේදී මීට වඩා සාධාරණ ලෙස අය කරගත යුතු බවයි.
