මහත් ආන්දෝලනයකට තුඩු දී ඇති මහබැංකු සේවකයින්ගේ වැටුප් වැඩි කළ ආකාරය සහ වැටුප් ප්රතිශත අග්රාමාත්ය දිනේෂ් ගුණවර්ධන මහතා පාර්ලිමේන්තුව හමුවේ ඉදිරිපත් කිරීමට කටයුතු කළා.
ඒ සමගි ජන බලවේගයේ පාර්ලිමේන්තු මන්ත්රී එස්. එම්. මරික්කාර් මහතා අග්රාමාත්යවරයාගෙන් ප්රශ්න විමසන අවස්ථාවේ යොමු කළ ප්රශ්නයකට පිළිතුරු ලබා දෙමින්.
මහ බැංකුවේ මාණ්ඩලික 4 වැනි පංතියේ නිලධාරීන්ගේ දළ වැටුප රුපියල් හය ලක්ෂ හයදාස් දෙසිය විසි හතේ සිට රුපියල් දස ලක්ෂ හතළිස්නම දහස් හාරසිය තිහ දක්වා ඉහළ දමා ඇති අතර එය ප්රතිශතයක් ලෙස සියයට 73.11ක වැටුප් වැඩිවීමක්.
එමෙන්ම, මාණ්ඩලික පංතිය විශේෂ ශ්රේණිය සහකාර අධිපති තනතුරේ වැටුප රුපියල් හත් ලක්ෂ දාසය දහස් හත්සිය හැත්තෑ තුනක් ලෙස පැවති අතර එය නව වැටුප් වැඩි කර ගැනීම අනුව රුපියල් දොලොස් ලක්ෂ හැටහත් දහස් එකසිය හැත්තෑවක් දක්වා ඉහළ දමා තිබෙනවා.
එය ප්රතිශතාත්මකව සියයට 76.79ක වැඩිවීමක්.
මාණ්ඩලික පංතියේ නියෝජ්ය අධිපතිවරයෙකුගේ දළ වැටුප රුපියල් නව ලක්ෂ හැත්තැ හය දහස් හයසිය හැට දෙකේ සිට රුපියල් දාහත් ලක්ෂ විසිඅට දහස් හාරසිය දහ නමයක් දක්වා සියයට 76.97කින් ඉහළ ගොස් තිබෙනවා.
මෙහිදී අවම වැටුප් ලබන මහබැංකු කාර්ය සහයක පංතිය ෂ සේවකයෙකුගේ වැටුප එක්ලක්ෂ එක් ලක්ෂ හතලිස් පන්දහස් හත්සීය හැත්තෑ තුනේ සිට එක්ලක්ෂ අසූ අට දහස් අටසීය විසිහතක් දක්වා සියයට 29.53න් ඉහළ දමා ඇති බවයි අග්රාමාත්යවරයා මෙහිදී වැඩිදුරටත් පෙන්වා දුන්නේ.
