වසර ගණනාවක් පුරා ඇණහිට තිබූ මහනුවර – ගැටඹේ ගුවන් පාලමේ ඉදිකිරීම් කටයුතු අද යළි ආරම්භ වුණා.
ඒ, ජනාධිපති අනුර කුමාර දිසානායක මහතාගේ ප්රධානත්වයෙන්.
හංගේරියානු රජයේ ණය ආධාර යටතේ මෙම පාලමේ ඉදිරිකිරීම් කටයුතු වසර කිහිපයකට පෙර ආරම්භ කළද ආර්ථික අර්බුදය හමුවේ හංගේරියානු රජයේ ණය ආධාර නවතා දැමීම හේතුවෙන් ගුවන් පාලමේ ඉදිකිරීම් කටයුතු ද අත්හිටවනු ලැබුවා.
කෙසේ වෙතත් රුපියල් බිලියන 12.27ක දේශීය අරමුදල් යටතේ අද නැවත ආරම්භ කෙරුණු මෙම ගුවන් පාලමේ ඉදිකිරීම් මාස 22 ක් ඇතුළත අවසන් කිරීමට සැලසුම් කර තිබෙනවා.
