ඓතිහාසික මහනුවර ඇසළ පෙරහැර මංගල්යයේ අවසන් කුඹල් පෙරහැර අද පස්වරුවේ වීථි සංචාරය කිරීමට නියමිතයි.
පාරම්පරික සංස්කෘතික චාරිත්රානුකූලව ප.ව. 6:28ට යෙදෙන සුභ මොහොතින් උතුරු දිශාභිමුඛව පෙරහැර ආරම්භ කෙරෙනවා.
ශ්රී දළදා මාලිගාවේ වාහල්කඩ අසල සඳකඩපහණ වෙත පෙරහැර කරඬුව සහිත මංගල හස්තියා පා තබන මොහොතත් සමගම පෙරහැරේ ගමන් ඇරඹෙනු ඇති. දළදා මාලිගා පරිශ්රයේ මහමළුවෙන් පිටත්වන පෙරහැර දළදා වීදිය, යටිනුවර වීදිය සහ රජ වීදිය ඔස්සේ ගමන් කර නැවත දළදා මාලිගා පරිශ්රයට ගෙවැදීමට නියමිතව තිබෙනවා.
