ජාතික ජන බලවේගයේ පාර්ලිමේන්තු මන්ත්රී අශෝක රන්වල මහතා ගමන් ගත් ජීප් රථයක මෝටර් රථයක ගැටීමෙන් අනතුර සිදුව තිබෙනවා.
මන්ත්රීවරයා ගමන් ගත් ජීප් රථය මෝටර් රථයක මුහුණට මුහුණ ගැටීමෙන් මෙම රිය අනතුර අද(11) පස්වරු 7.40ත් 8ත් අතර කාලයේදී සිදුව ඇති බවයි වාර්තා වන්නේ.
අදාළ අනතුර සිදුවන අවස්ථාවේදී මෝටර් රථය තුළ කාන්තාවක් සහ කුඩා දරුවෙක් සිට ඇති අතර ඔවුන් දෙදෙනාම තුවාල ලබා ඇති බවයි වාර්තා වන්නේ.
තුවාල ලැබූ දරුවා රිජ්වේ ආර්යා ළමා රෝහලට ඇතුළත් කර ඇති අතර කාන්තාව කිරිබත්ගොඩ රෝහලට ඇතුළත් කර තිබෙනවා.
අනතුරෙන් තුවාල ලැබූ ජීප් රථයේ සිටි පාර්ලිමේන්තු මන්ත්රී රන්වල මහතාද ප්රතිකාර සඳහා කිරිබත්ගොඩ රෝහලට ඇතුළත් කර තිබෙනවා.
අනතුරට ලක්වූ ජීප් රථය, මෝටර් රථය සහ යතුරු පැදියක් පොලිස් භාරයට ගෙන තිබෙනවා.
සිද්ධිය සම්බන්ධයෙන් සපුගස්කන්ද පොලිසිය වැඩිදුර විමර්ශන සිදු කරනු ලබනවා.
පාර්ලිමේන්තු මන්ත්රී අශෝක රන්වල මහතා ජාතික ජන බලවේග ආණ්ඩුව පළමු කතානායකවරයා ලෙසටද කටයුතු කරනු ලැබුවා.
