යාපනය දිස්ත්‍රික් පාර්ලිමේන්තු මන්ත්‍රී රාමනාදන් අර්ජුනා පහරදීමෙන් තුවාල ලැබු අයෙක් යාපනය රෝහලට ඇතුළත් කොට ඇති බව යාපනය ප්‍රදේශවාසීන් පවසනවා.
ප්‍රදේශවාසීන් පැවසූවේ යාපනය ආපනශාලාවක් තුළදි අර්ජුනා මහතා විසිනි අයෙකුට පහරදීමෙන් අදාළ පුද්ගලයා තුවාල ලබා ඇති බවයි.
වීඩියෝ කිරීමක් සම්බන්ධයෙන් ඇතිවු බහින් බස් වීමක් දුරදිග යාමෙන් අදාළ පහරදීම සිදුව ඇති බව යාපනය ප්‍රදේශවාසීන් පවසනවා.
සිදුවීම සම්බන්ධයෙන් යාපනය පොලිසියෙන් සිදුකළ විමසීමකදී පොලිසිය පැවසූවේ අර්ජුනා මහතා පහරදීමක් සිදුකළ බවට කියන සිද්ධියක් සම්බන්ධයෙන් පුද්ගලයෙකු පොලිසිය වෙත පැමිණිල්ලක් සිදුකොට ඇති අතර,ඒ සම්බන්ධයෙන් පරීක්ෂණයක් පවත්වන බවයි.
සිදුවීම සම්බන්ධයෙන් යාපනය පොලිසිය වැඩිදුර පරීක්ෂණ මෙහෙයවයි.
