අයිස් මත්ද්රව්ය කිලෝ 18ක් සමගින් අත්අඩංගුවට ගැනුණු සැකකරු සම්බන්ධව තොරතුරු රැසක් පොලීසිය මේ වන විට අනාවරණය කරගෙන තිබෙනවා. අපරාධ පරීක්ෂණ දෙපාර්තමේන්තුවේ මනුෂ්ය ඝාතන හා සංවිධානාත්මක අපරාධ විමර්ශන අංශය විසින් මෙම සැකකරු ඊයේ පස්වරුවේ අත්අඩංගුවට ගෙන තිබුණා. සැකකරු සතුව අයිස් මත්ද්රව්ය කිලෝ 18 ග්රෑම් 716ක් මෙන්ම විද්යුත් තරාදියක්ද පොලිස් භාරයට ගෙන ඇති බව සදහන්. සැකකරුගෙන් සිදුකළ ප්රශ්න කිරීම්වලදී අනාවරණය වී ඇත්තේ මත්ද්රව්ය තොගය සංවිධානාත්මක අපරාධකරුවන් දෙදෙනෙකුගේ මෙහෙයවීම මත දිවයිනේ විවිධ ප්රදේශවලට බෙදා හැරීම හා ජාවාරම් කිරීම සඳහා රැගෙන විත් ඇති බවයි.
